
Ranicaj u niadzielu supracoŭniki Śvietłahorskaj CEC zaŭvažyli, što pa trubach ciepłatrasy, raźmieščanych vysoka nad ziamloj, razhulvaje małady čałaviek, paviedamlaje miascovaje vydańnie Ranak.
Na zahady źleźci jon nie reahavaŭ. Na dapamohu byli vyklikany supracoŭniki milicyi. A zatym prybyli i ratavalniki z aŭtaleśvicy.
Kali chłopiec ubačyŭ, što da jaho chočuć nablizicca, jon pačaŭ pahražać, što saskočyć. Vyšynia, na jakoj raźmieščany truby ciepłatrasy, kala 8 mietraŭ. Pryjšłosia pačynać pieramovy.
Na praciahu bolš čym paŭtary hadziny milicyjanty ŭhavorvali mužčynu pieradumać. Adnamu z supracoŭnikaŭ Śvietłahorskaha adździeła achovy ŭdałosia padniacca navierch pa skobach. Paśla doŭhaj razmovy chłopiec spuściŭsia ŭniz.
Pa śviedčańni vidavočcaŭ, małady čałaviek byŭ vidavočna ŭ nieadekvatnym stanie, ale pachu ałkaholu ad jaho nie adčuvałasia. Jaho zabrała «chutkaja dapamoha». Pa niekatorych źviestkach, chłopca pavieźli ŭ Homiel u adździaleńnie psichijatryi.
Kamientary