Kamandzir rasijskaha SOBRa pałkoŭnik Pytkoŭ u časopisie «Śpiecnaz» padziakavaŭ biełaruskamu «Ałmazu» za pieradaču atrymanaha na Zachadzie dośviedu. Na heta źviarnuŭ uvahu analityk Jahor Lebiadok.
U 6-m numary časopisa «Śpiecnaz» kamandzir rasijskaha SOBRa piša, što «ŭ Rasii «Ałmaz» dobra viadomy, u tym liku dziakujučy svaim rehularnym vystupam na turnirach».
«Nam taksama cikavy dośvied, jaki ałmazaŭcy pierajmajuć u padraździaleńniaŭ inšych krain, ź jakimi my, na žal, nie možam mieć znosiny. U «Ałmaza» takaja mahčymaść jość», — abmoviŭsia rasijski pałkoŭnik.
«Voś i dumaj: ci to našy metanakiravana źlivajuć atrymanuju na Zachadzie infarmacyju pra padrychtoŭku, bo viaduć raźviedku ŭ intaresach RF, ci to prosta pa dabryni dušeŭnaj dzielacca. U lubym vypadku jany spryjajuć źniaćciu peŭnych abmiežavańniaŭ na infarmacyju dla śpiecpadraździaleńniaŭ RF z boku inšych dziaržaŭ», — adznačaje Jahor Lebiadok.
Śpiecyjalnaje padraździaleńnie pa baraćbie z teraryzmam (SPBT) «Ałmaz» — antyterarystyčnaje śpiecpadraździaleńnie MUS Biełarusi. Takija ž śpiecpadraździaleńni antyteroru jość u mnohich krain.
SOBR — śpiecyjalny atrad chutkaha reahavańnia Rashvardyi. Byŭ stvorany dla baraćby z arhanizavanaj złačynnaściu, adnak biare ŭdzieł u antyterarystyčnych apieracyjach.
Kamientary