Brescki abłasny sud vynies prysud byłomu hienieralnamu dyrektaru AAT «Ivacevičdreŭ» Uładzimiru Šulhu i pryjacielu jaho syna Alaksandru Nieplachoviču, piša Tut.by.
Uładzimir Šulha pryznany vinavatym u złoŭžyvańni słužbovymi paŭnamoctvami, što paciahnuli ciažkija nastupstvy. Jon pryhavorany da piaci hadoŭ pazbaŭleńnia voli ŭ papraŭčaj kałonii va ŭmovach uzmocnienaha režymu z kanfiskacyjaj usioj majomaści.
Jašče adzin fihurant, pryjaciel syna Uładzimira Šulhi, Alaksandr Nieplachovič pryznany vinavatym u dapamahańni ŭ złoŭžyvańni słužbovymi paŭnamoctvami. Jamu pryznačana pakarańnie ŭ vyhladzie čatyroch hadoŭ pazbaŭleńnia voli ŭ papraŭčaj kałonii ŭzmocnienaha režymu z kanfiskacyjaj usioj majomaści.
Prysud nie ŭstupiŭ u zakonnuju siłu i moža być abskardžany.
Nahadajem, u krasaviku minułaha hoda KDB zatrymaŭ byłoha hiendyrektara «Ivacevičdreŭ», jaho syna i pryjaciela. Ustanoŭlena, što ŭ 2014-2017 hadach pry arhanizacyi pastavak miełaminu i chimičnych dabavak dyrektar mieŭ mahčymaść napramuju zaklučyć dahavory z pradpryjemstvam-vytvorcam. Zamiest hetaha jon kuplaŭ miełamin i inšyja dabaŭki ŭ firmy, jakaja była padkantrolnaja jaho synu i jaho pryjacielu Alaksandru Nieplachoviču. U vyniku pradukcyju zakuplali pa zavyšanaj canie. Škoda aceńvajecca ŭ 749 tysiač rubloŭ.
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary