Žycharka Ufy padała pazoŭ suprać «Ukantakcie» za pradastaŭleńnie asabistaj infarmacyi siłavikam, piša RIA Naviny.
«Sud Sankt-Pieciarburha zarehistravaŭ pazoŭ ab kampiensacyi maralnaj škody ŭ pamiery 100 tysiač rubloŭ za razhałašeńnie asabistaj infarmacyi karystalnika pravaachoŭnym orhanam», - udakładniŭ surazmoŭca ahienctva.
Heta pieršy pazoŭ da adnoj z najbujniejšych rasijskich sacyjalnych sietak z hetaj nahody.
Ci prymać pazoŭ da razhladu, sud pakul nie vyrašyŭ.
Infarmacyju z asabistaj staronki dziaŭčyny ŭ «Ukantakcie» zapytaŭ Centr pa supraćdziejańni ekstremizmu MUS Baškiryi. Pry hetym kryminalnuju spravu suprać jaje nie pačynali.
Ad sacsietki palicyja, pa słovach advakata, daviedałasia čas i datu stvareńnia staronki, asabistyja dadzienyja pry rehistracyi, a taksama IP-adras. Hetyja źviestki byli nakiravanyja ŭ Roskamnadzor, jaki zapytaŭ infarmacyju pra ŭdzielnikaŭ adnoj z hrup «Ukantakcie», zajaviŭ surazmoŭca ahienctva.
Dziaŭčyna admoviłasia adkazvać, za što suprać jaje raspačali administracyjnuju spravu, skazaŭ abaronca. Z materyjałaŭ spravy jana i daviedałasia pra zapyt.
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ65
Kamientary