Kiraŭnik rasijskaha ŭrada paabiacaŭ u najbližejšy čas dać śpis novych sankcyj suprać Kijeva, uvieści jakija daručyŭ napiaredadni Uładzimir Pucin.
Pad novyja sankcyi, jakija ŭvodziać u dačynieńni da Ukrainy, patrapiać sotni čałaviek, jakija «pryčyniali škodu» intaresam Rasii, u tym liku pradstaŭniki biznesu i inšyja «viadomyja piersony», zajaviŭ kiraŭnik urada Dźmitryj Miadźviedzieŭ. Pavodle jaho słoŭ, u ramkach sankcyj, śpis jakich budzie składzieny ŭ najbližejšy čas, płanujecca zamarozić aktyvy hetych asobaŭ (u tym liku i padkantrolnych im kampanij) i zabaranić vyvad srodkaŭ.
«Havorka idzie, pa-pieršaje, ab błakavańni ich aktyvaŭ, jakija znachodziacca na terytoryi Rasii, h.zn. zabaronie rabić ź imi jakija-niebudź dziejańni. Pa-druhoje, ab zabaronie pieraličeńnia hrašovych srodkaŭ, jakija znachodziacca ŭ krynicach, raźmieščanych na terytoryi RF. Heta značyć ab zabaronie vyvazu kapitału», — skazaŭ Miadźviedzieŭ.
Premjer zapeŭniŭ, što bolšaść šarahovych ukraincaŭ abmiežavańni nie zakranuć.
Miadźviedzieŭ adznačyŭ taksama, što ŭ ramkach novych sankcyj płanujecca dadatkova abmiežavać uvoz u Rasiju zroblenych va Ukrainie tavaraŭ (u ciapierašni čas u dačynieńni da Ukrainy ŭžo ŭviedziena charčovaje embarha).
«Razmova pojdzie pra toje, kab zabaranić peŭnyja katehoryi tavaraŭ, jakija zrobleny va Ukrainie dla taho, kab pastaŭlać ich u RF», - skazaŭ Miadźviedzieŭ.
Kamientary