Sud Stakholma prysudziŭ francuzskaha fatohrafa Žana-Kłoda Arno da dvuch hadoŭ pazbaŭleńnia voli i štrafu 115 tys. kron (€11,1 tys.) pa spravie ab zhvałtavańniach. Pra heta paviedamlaje Aftonbladet.
Arno zatrymali raniej i abvinavacili ŭ dvuch vypadkach zhvałtavańnia, jakija adbylisia vosieńniu i zimoj 2011 hoda. Raniej 18 žančyn abvinavačvali fatohrafa ŭ damahańniach. Fatohraf admaŭlaŭ usie abvinavačvańni. Advakat Arno paabiacaŭ abskardzić prysud.
U 2018 hodzie z-za skandału vakoł Arno Fond Nobiela vyrašyŭ adkłaści na hod prysudžeńnie premii pa litaratury. Fatohraf kiravaŭ kulturnym prajektam pry finansavaj padtrymcy Šviedskaj akademii. U Fondzie Nobiela pakazvali, što hetaje rašeńnie «padkreślivaje surjoznaść situacyi i dapamoža zachavać doŭhaterminovuju reputacyju ŭznaharody».
Paśla vyśvietliłasia, što Arno raskryvaŭ pabočnym asobam imiony budučych łaŭreataŭ Nobieleŭskaj premii, a taksama infarmacyju pra toje, chto stanie novym členam Šviedskaj akademii. U skład Nobieleŭskaha kamiteta z 1992 hoda ŭvachodziła paetka Kataryna Frostensan, žonka Arno. Paśla skandału ŭ akademii vyrašyli nie vyklučać Frostensan z kamiteta, z-za čaho ŭ znak pratestu Šviedskuju akademiju pakinuli šeść jaje členaŭ, uklučajučy kiraŭnika arhanizacyi Saru Danius.
Ciapier čytajuć
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym8
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary