Statkievič vystupiŭ suprać amierykanskaj vajskovaj bazy ŭ Polščy
Biełaruski palityk Mikoła Statkievič u svaim fejsbuku prakamientavaŭ namier Polščy raźmiaścić amierykanskuju braniatankavuju dyviziju la svajoj uschodniaj miažy. Jon ličyć, što taki krok moža pryvieści da destabilizacyi rehijona ź ciažkimi nastupstvami.
Statkievič miarkuje, što kali amierykancy zhodziacca, to ŭ vyniku NATA parušyć svaju damovu z Rasijaj ab nieraźmiaščeńni na pastajannaj asnovie na terytoryi ŭschodnich krain Aljansa vajskovych kantynhientaŭ jaho zachodnich siabraŭ. Mienavita z-za hetaj damovy nataŭskija bataljony ŭ Bałtyi i Polščy kožnyja paŭhoda robiać ratacyju svajho asabovaha składu.
Palityk miarkuje, što parušeńnie damovy vykliča ŭ Rasii vielmi admoŭnuju reakcyju. Najbolš imaviernaj reakcyjaj budzie raźmiaščeńnie značnych rasijskich vajskovych kantynhientaŭ u Biełarusi. Na dumku Statkieviča, supraćstajać hetamu Łukašenka nie zmoža.
Kali ž amierykanskija i rasijskija vojski buduć raździeleny tolki biełaruskaj miažoj, to rezka ŭzrastaje imaviernaść vypadkovych zbrojnych sutyknieńniaŭ z nastupnaj eskałacyjaj u paŭnavartasny vajenny kanflikt, piša Mikałaj Statkievič.
Jon miarkuje, što rasijski vajskovy kantynhient na terytoryi Biełarusi zrobić likvidacyju jaje niezaležnaści pytańniem času.
«Nieviadoma, kolki času budzie ŭ Polščy amierykanskaja dyvizija, kali jaje ŭsio ž raźmieściać. A voś Rasija za 180 kiłamietraŭ ad Varšavy moža zastacca nazaŭsiody»,
— piša palityk.
Zamiest raźmiaščeńnia amierykanskaj dyvizii jon prapanuje ŭmacoŭvać ułasnaje vojska. I ŭmacoŭvać sajuz dy ŭzajemnuju dapamohu z susiednimi krainami (Ukrainaj i krainami Bałtyi).
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku
Kamientary