Izrail vykazaŭ škadavańnie ŭ suviazi z hibiellu ekipaža rasijskaha samalota Ił-20, źbitaha siryjskimi SPA.
«Izrail uskładaje poŭnuju adkaznaść za incydent na režym Asada, čyja armija źbiła rasiejski samalot. Izrail taksama razhladaje Iran i «Chiezbała» jak saŭdzielnikaŭ hetaj złaščasnaj padziei», — havorycca ŭ aficyjnym paviedamleńni izrailskaj armii.
Vajskoŭcy taksama padkreślili, što izrailskija samaloty atakavali ŭ Łatakii punkt, na jakim Iran pieradavaŭ zbroju «Chiezbała».
Izrailskija VPS atakavali abjekty infrastruktury siryjskaj armii, jakija vyrablali zbroju masavaha paražeńnie dla terarystyčnaj arhanizacyi «Chiezbała». Heta zbroja pryznačałasia dla vykarystańnia suprać Izraila, kab uzmacniać pahrozu.
Kali siryjskaja armija vypuściła rakiety, jakija trapili ŭ rasijski samalot, izrailskija samaloty VPS užo znachodzilisia na izrailskaj terytoryi.
Padčas ataki izrailskich VPS rasijski samalot nie znachodziŭsia ŭ zonie dziejańnia.
Siryjskija zienitnyja batarei stralali biez razboru, nie ŭpeŭniŭšysia, što ŭ pavietry niama rasijskich samalotaŭ.
Izrail pradastavić rasijskamu ŭradu ŭsiu infarmacyju, nieabchodnuju dla tłumačeńnia incydentu i ŭdakładnieńnia faktaŭ, pradstaŭlenych u hetym rasśledavańni.
Minabarony Rasii: Naš Ił-20 źbiła Siryja, ale vinavaty Izrail
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary