Kiraŭnikom niamieckich «Zialonych» staŭ niemiec tureckaha pachodžańnia
Ozdemir nie zajmaŭsia biełaruskimi pytańniami, choć i sustrakaŭsia časam ź biełaruskimi naviednikami ŭ Bruseli, ale pryncypova stavicca da pytańniaŭ demakratyi i pravoŭ čałavieka.
Staršyniom adnoj z asnoŭnych niamieckich partyjaŭ – «Zialonych» – byŭ abrany niemiec tureckaha pachodžańnia Džem Ozdemir.Jamu 42 hady, a ŭ Niamieččynu byli pryjechaŭšy jašče jahonyja baćki ŭ 1960‑ch. Žyvučy ŭ zaciata katalickim rehijonie Švabii, Džemu ŭ dziacinstvie daviałosia jašče sutyknucca z dyskryminacyjaj. Da zialonych jon dałučyŭsia ŭ 15 hadoŭ, pryniosšy im ekalahičnyja plany, jakija sam raspracavaŭ dla rodnaha miastečka.
Džem Ozdemir pa adukacyi pedahoh i volna razmaŭlaje na abiedźviuch rodnych movach – tureckaj i niamieckaj. Jon staŭ pieršym turkam, abranym u niamiecki parlament u 1994 hodzie. Paśla dalejšaha navučańnia ŭ ZŠA i šlubu z arhientynskaj žurnalistkaj, Ozdemir byŭ u 2004 hodzie abrany ŭ Eŭrapiejski parlament, dzie staŭ ekspertam svajoj partyjnaj frakcyi pa zamiežnaj palitycy.
Ozdemir nie zajmaŭsia biełaruskimi pytańniami, choć i sustrakaŭsia časam ź biełaruskimi naviednikami ŭ Bruseli, ale pryncypova stavicca da pytańniaŭ demakratyi i pravoŭ čałavieka.U pryvatnaści, jon vystupiŭ suprać zaklučeńnia EZ handlovaha pahadnieńnia z Turkmenistanam, zaznačyŭšy, što toj nie svabadniejšy za Biełaruś.
«Całkam niedarečna dla Eŭraparlamentu padtrymlivać prapanovu ab raźvićci stasunkaŭ z Turkmenistanam i ŭ toj samy čas zaklikać da pavieličeńnia cisku i novych sankcyjaŭ suprać Biełarusi. Heta tolki jašče bolš padarvie mižnarodny aŭtarytet EZ. Najaŭnaść značnych radoviščaŭ hazu hraje asnoŭnuju rolu ŭ kštałtavańni palityki EZ u dačynieńni da Turkmenistanu. Heta dazvalaje patłumačyć roźnicu ŭ padychodach da Biełarusi i Turkmenistan».
Ciapier čytajuć
Dla kaho sabralisia budavać vielizarny vantavy most u Minsku?3
Kamientary