Redakcyja Arche vydała novy jubilejny vypusk, prymierkavany da 100-hodździa BNR i 20-hodździa časopisa.
«My padrychtavali hety numar, kab kožny čytač moh pahruzicca ŭ aŭtentyčny śviet BNR i Aktu 25 sakavika, a nia bolš ci mienš udałych stylizacyjaŭ pad jaho. My adabrali tolki aryhinalnyja matarjały, nie dapuskajučy nijakich rekanstrukcyjaŭ», — havorycca ŭ redakcyjnym zvarocie.
Vypusk vydadzieny całkam u kolery. Faktyčna heta ŭnikalny tematyčny fotaalbom. Adpaviedna, farmat vydańnia byŭ značna pavialičany. U im drukujucca sotni aŭtentyčnych fota, jakija ilustrujuć roznyja aspekty dziejnaści BNR: partrety jejnych lidaraŭ, roznaha kštałtu dakumenty (ustaŭnyja hramaty, pašparty, adozvy, abviestki). Dajucca faksymile piačatak, marak, paštovak dy inšaj aŭtentyčnaj atrybutyki.
Numar dazvalaje čytaču pahłybicca ŭ śviet BNR i Aktu 25 sakavika 1918 hodu. U im raskryvajucca temy, jakija zastajucca nadzvyčaj aktualnymi ŭ Biełarusi j praz sto hadoŭ. Šmat jakija ilustracyi drukujucca ŭpieršyniu.
Pra toje, jak atrymać unikalny numar-fotaalbom, možna daviedacca na sajcie Arche.
Ciapier čytajuć
Cichanoŭski raskazaŭ, što treba było rabić u žniŭni 2020-ha58
Kamientary