Užo možna rehistravacca na vystavu-kirmaš «Mebla-2018»: biznes-forum, vyniki daśledavańnia pavodzin pakupnika 

Samaja maštabnaja impreza dziełavoj prahramy vystavy-kirmašu — biznes-forum «Drevaapracoŭka i mebla Biełarusi».

Arhanizatary — Biznes sajuz pradprymalnikaŭ i najmalnikaŭ imia prafiesara M.S. Kuniaŭskaha i Asacyjacyja pradpryjemstvaŭ meblevaj i drevaapracoŭčaj pramysłovaści Biełarusi pry padtrymcy kancerna «Biellespapierapram», Respublikanskaj lesapramysłovaj asacyjacyi, Biełaruskaj univiersalnaj tavarnaj biržy i Banka Raźvićcia Respubliki Biełaruś.

Biznes-forum projdzie 13 vieraśnia. Jaho ŭdzielniki ŭ farmatach praktyčnaj kanfierencyi, workshop i biržy dziełavych kantaktaŭ abmiarkujuć stan i pierśpiektyvy źniešnieekanamičnaj dziejnaści biełaruskich pradpryjemstvaŭ drevaapracoŭčaj i meblevaj pramysłovaści.

«Niahledziačy na toje, što hety forum pravodzicca ŭpieršyniu, meta staić ambicyjnaja — sfarmavać efiektyŭnuju, pastajanna dziejsnuju śpiecyjalizavanuju mižnarodnuju płatformu raźvićcia źniešnieekanamičnaha patencyjału drevaapracoŭčaj i meblevaj haliny krainy, — adznačajuć u arhkamitecie. — Havorka idzie nie prosta pra pavieličeńnie abjomaŭ ekspartna-impartnych ździełak. Hałoŭnaje — umieć maksimalna vykarystoŭvać pieravahi źniešnieekanamičnych suviaziaŭ dla vychadu na inavacyjny techničny ŭzrovień vytvorčaści i najvyšejšuju jakaść kančatkovaj pradukcyi jak dla vonkavaha, tak i dla ŭnutranaha spažyŭca».

U jakaści refierentaŭ i ŭdzielnikaŭ na forum zaprošany pradstaŭniki Usieahulnaha Sajuza niamieckaha handlu pradukcyjaj drevaapracoŭki, Hiermanskaha Sajuza jakaści mebli, Źniešniehandlovaha Sajuza Ziamli Paŭnočny Rejn-Viestfalija, FRH.

Čakajecca ŭdzieł lesapramysłovych i drevaapracoŭčych pradpryjemstvaŭ, vytvorcaŭ mebli, kamplektujučych, parkietu, biełaruskich bankaŭ, ekspartna-impartnych i handlova-zakupačnych kampanij, markietynhavych i kansultacyjnych kampanij z Hiermanii, Aŭstryi, Turcyi, Charvatyi, Polščy, Kazachstana, Bałtyi, Rasii, Biełarusi i inšych krain.

Zajaŭki na ŭdzieł u forumie prymajucca da 9 vieraśnia:

anłajn — [email protected], [email protected], relbiz.net/woodworks;

kantakty: (+375 29) 373-35-73 (Whatsap, Viber - RU, DE, EN), (+375 29) 500-03-03 (Whatsap, Viber — RU, EN); (+49 151) 152-78-217 (Whatsap, Viber - RU, DE, EN).

Jašče adna važnaja biznes-impreza ŭ miežach vystavy-kirmašu «Mebla-2018», — partniorski prajekt BiełEkspa i «Askom Sici» «Meblevy rytejł: Off-Line & On-Line. Novyja instrumienty markietynhu i prodažaŭ 2019». Sustreča projdzie 14 vieraśnia z 11.00 da 17.00. Usim zacikaŭlenym 14 vieraśnia pradstaviać vyniki markietynhavaha daśledavańnia charaktarystyk pavodzinaŭ sučasnaha pakupnika mebli.

Šmat kamu, biezumoŭna, budzie cikava daviedacca pra staŭleńnie moładzievaj aŭdytoryi da brendaŭ, akcyj i źnižak, rekłamy, pošuku infarmacyi, vybaru tavaraŭ, a taksama ab psichahrafičnych charaktarystykach, ułaścivych tak zvanamu pakaleńniu Z.

Akramia taho, ekśpierty zakranuć u svaich vystupach pytańni efiektyŭnaha prasoŭvańnia meblevych brendaŭ, arhanizacyi pracy pradaŭca-kansultanta meblevaj haliny z klijentami. Buduć razhledžany asablivaści pracy meblevaha rytejła ŭ afłajnie i anłajnie, a taksama inšyja aktualnyja aśpiekty arhanizacyi handlu.

Dla naviedvańnia hetaha foruma treba zarehistravacca da 10 vieraśnia: [email protected] abo pa telefonie 8-029-617-20-08. Z padrabiaznaj prahramaj možna aznajomicca na sajtach belexpo.by i ascom.by.

Dziełavaja prahrama vystavy-kirmašu «Mebla-2018» na hetym nie vyčerpvajecca. Upieršyniu na vystavačnaj placoŭcy projdzie konkurs prafiesijnaha majsterstva pa vyrabie mebli, pry hetym hatovuju pradukcyju płanujecca pieradać u adnu z ustanoŭ adukacyi. Akramia taho, pa tradycyi, ekspanientam budzie dadzienaja mahčymaść raskazać pra svaju dziejnaść praz prezientacyi, majstar-kłasy abo ŭ lubym inšym vyhladzie. Arhanizatary čakajuć ad budučych udzielnikaŭ vystavy-kirmašu cikavych prapanoŭ. «Mebla-2018» taksama čakaje novych udzielnikaŭ — farmiravańnie ekspazicyi praciahvajecca.

25-ja mižnarodnaja śpiecyjalizavanaja vystava-kirmaš «Mebla-2018» projdzie 12-15 vieraśnia ŭ Minskim futbolnym maniežy (pr-t Pieramožcaŭ, 20/2). Pa pytańniach udziełu źviartacca da arhanizataraŭ:

(+375 17) 334-67-58, (+375 29) 889-36-55;

e-mail: [email protected]; www.belexpo.by.

• 0
• 0
• 0
• 0
• 0
• 0
• 0
• 0