Respublikanskaje hramadzkaje abjadnańnie «Perspektyva» padało zajaŭku ŭ Mienharvykankam na praviadzieńnie 15 śniežnia ŭ Miensku maršu pradprymalnikaŭ.
U zajaŭcy ad imia vaśmi aktyvistaŭ havorycca, što mitynham i šeściem udzielniki akcyi chočuć «pryciahnuć uvahu ŭładaŭ na nievykanalnyja ŭmovy, jakija čakajuć indyvidualnych pradprymalnikaŭ ad 1 studzienia 2009 hoda».
Lider «Perspektyvy» Anatol Šumčanka zajaviŭ:
«My jak i raniej zajaŭlajem, što my hatovy da kanstruktyŭnaha dyjalohu. I nahniatańnie abstanoŭki ŭ sfery biznesu siońnia va ŭmovach finansavaha kryzysu nia vyhadna nikomu. Tamu my admovimsia ad praviadzieńnia maršu, kali vyjdzie ŭkaz prezydenta ab zachavańni raniejšych umovaŭ pracy dla pradprymalnikaŭ ad 2009 hoda. A kali nie, to ŭ nas prosta nie zastajecca vyjścia. Učora spadar Tur zajaviŭ, što indyvidualnyja pradprymalniki zhubiać lhoty pry ŭvozie tavaraŭ z Rasiei. Tamu, kali chočacie, heta naš adkaz uładam. I my spadziajemsia mocna i arhumentavana hety adkaz prademanstravać».
Adnosna taho, što mitynh planujecca pravieści na płoščy Banhałor, spadar Šumčanka skazaŭ, što dla arhanizataraŭ «važna prademanstravać pazycyju ludziej i jak maha bolšaj kolkaści, i niama mety sutyknieńniaŭ ź milicyjaj».
«My hatovy zmahacca. I ludzi taksama nastrojeny na baraćbu», - adznačyŭ A.Šumčanka.
Ciapier čytajuć
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym4
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary