«Baržomi» adkryje načny hruzinski hastrapadvorak u Vierchnim horadzie — čym buduć karmić na «Tbilisobie»

Sioleta biełarusy zmohuć za adzin dzień pahruzicca ŭ Hruziju na ŭsie 100: jaje kulturu, tradycyi, historyju, muzyku i, viadoma ž, raznastajnuju kuchniu, jakuju ŭpieršyniu buduć hatavać u Vierchnim horadzie navat nočču.

Usiaho za čatyry hady kolkaść kafe i restaranaŭ hruzinskaj kuchni ŭ Minsku pavialičyłasia amal u piać razoŭ, ciapier u stalicy pracuje bolš za 20 ustanoŭ z tradycyjnymi stravami abo papularnym u Hruzii fast-fudam. 1 vieraśnia z 12:00 da 24:00 praktyčna ŭsie hetyja kafe adkryjuć svaje punkty ŭ Vierchnim horadzie, kab prapanavać biełarusam jašče bolš «smačnych» emocyj — padčas novaj «Tbilisoby».

«Śpiecyjalna da 100-hodździa niezaležnaści Hruzii my padrychtavali śpis sa 100 spraŭ na fiestyvali, jakija dapamohuć bolš daznacca pra historyju i kulturu radzimy «Baržomi» i natchniać na novyja adkryćci i śmiełyja ŭčynki, — raspaviadaje Dzianis Krupiec, dyrektar IDS Borjomi Belarus i arhanizatar festu «Tbilisoba ». — Pačać my, viadoma, prapanujem z asałody ad hruzinskaj ježy.

U mieniu na fudkorcie bolš za 30 straŭ nacyjanalnaj kuchni, ale ŭ śpis spraŭ, abaviazkovych na fiestyvali, «Baržomi» ŭklučyŭ dehustacyju piaci samych viadomych: lohkaja zakuska pchali, sup-charčo, chinkali, desiert čurčchieła z arechaŭ i soku vinahrada i minieralnaja vada «Baržomi», jakuju buduć pradavać va ŭsich restaranach pa fiksavanaj canie 1,5 rubla za butelečku 0,33 ł».

Dla taho, kab va ŭsich naviedvalnikaŭ była mahčymaść atrymlivać jašče bolš zadavalnieńnia ad ježy, arhanizatary pradoŭžyli čas pracy ŭsiaho fudkorta i navat adkryli načny «hastrapanadvorak» z kuchniaj usich 12 rehijonaŭ Hruzii. Hatavać samyja viadomyja stravy Adžaryi, Kachiecii, Imierecii nočču buduć šef-kuchary 9 biełaruskich restaranaŭ.

Atrymlivać asałodu ad chačapury pa-adžarsku abo charčo pa-mienhrelsku prapanujuć u atmaśfiery cichaj hruzinskaj vułački, dzie hučyć tradycyjnaja muzyka ŭ džaz-apracoŭcy, a z nadychodam źmiarkańnia zapalvajucca try sotni lampačak. Raspracoŭkaj rehijanalnaha mieniu zajmalisia šef-kuchary ŭstanoŭ «Siabry», «Viestfalija», Malt & Hops, «Imbir», Prokopiev Catering i h.d.

Panadvorak «schavaŭsia» naŭprost u centry Vierchniaha horada, jaho možna znajści, kali spuskacca pa vulicy Hiercena i skiravać u zavułak pamiž damami 4 i 6, abo pa ŭkazalnikach «Hastrapanadvorak «Baržomi» na terytoryi Vierchniaha horada.

Letaś Hruziju aficyjna nazvali radzimaj vinarobstva, a tradycyjny sposab vytrymki vina ŭ hlinianych zbanach trapiŭ u śpis kulturnaj spadčyny, składzieny JUNIESKA. Kielich biełaha abo čyrvonaha suchoha vina z Kachiecii abydziecca ŭ siarednim u 6 rubloŭ, za 10 rubloŭ možna ŭziać užo 150 mł «Kindzmarauli» abo «Chvančkara».

Usie hości zmohuć skazać «dziakuj» upadabanaj ustanovie, prymacavaŭšy na jaje fudboksie śpiecyjalny stykier-sercajka. 

• 0
• 0
• 0
• 0
• 0
• 0
• 0
• 0