Maryja Składoŭskaja-Kiury ŭznačaliła śpis 100 žančyn, jakija źmianili śviet
Maryja Składoŭskaja-Kiury pryznana žančynaj, jakaja akazała samy značny ŭpłyŭ na suśvietnuju historyju. Pra heta śviedčyć apytańnie, praviedzienaje BBC History Magazine.
Udzielnikam apytańnia prapanavali śpis sa 100 žančyn, składzieny ekśpiertami ŭ 10 roznych halinach čałaviečaj dziejnaści. Kožny z hetych ekśpiertaŭ pavinien byŭ nazvać pa 10 žančyn, jakija, na ich dumku, akazali najbolšy ŭpłyŭ na suśvietnuju historyju. Takim čynam, u śpis uvajšli pradstaŭnicy pryhožaha połu, jakija dasiahnuli vyšyń u palitycy, navucy, sporcie, technicy, litaratury i inš.
Pavodle apytańnia, sa 100 žančyn, jakija źmianili śviet, Maryja Składoŭskaja-Kiury pa svaim upłyvie zajmaje pieršy radok. Adznačajecca, što jana praviała važnyja daśledavańni ŭ halinie radyjeaktyŭnaści, a taksama stała pieršaj, chto byŭ uhanaravany dźviuma Nobieleŭskimi premijami — pa fizicy i chimii.
Na druhim miescy akazałasia Ruža Parks, aktyvistka ruchu za hramadzianskija pravy ŭ ZŠA. Treciaha miesca hanaravałasia Emielin Pankchierst — hramadska-palityčnaja dziajača, zmaharka za pravy žančyn u Vialikabrytanii. U rejtynh taksama patrapili «žaleznaja łedzi» Vialikabrytanii Marharet Tetčer, pryncesa Dyjana, piśmieńnica Džejn Ościn, karaleva Viktoryja, maci Tereza i inš.
Kamientary