Papularnaja amierykanskaja hazieta parazmaŭlała ź niekalkimi biełaruskimi žurnalistami i napisała ahladny artykuł pra situacyju ź miedyja ŭ Biełarusi.
Ad pradstaŭnikoŭ Biełaruskaj asacyjacyi žurnalistaŭ The Washington Post daviedałasia, što biełaruskija ŭłady dajuć vializnyja štrafy niekatorym miedyja, jakija nie kantralujucca ŭradam. U pryvatnaści, hałoŭny ŭdar pa štrafach prypadaje na telekanał «Biełsat».
Telekanał znachodzicca ŭ ciažkim stanoviščy, i ŭ jaho niama inšaha vybaru akramia taho, jak płacić štrafy i praciahvać pracavać biez akredytacyi, a akredytacyju ŭ svaju čarhu admaŭlajecca vydavać biełaruski MZS, jaki nie adreahavaŭ na nieadnarazovyja prośby The Washington Post ab pradstaŭleńni kamientaroŭ.
Taksama hazieta napisała pra cisk na niezaležnyja biełaruskija miedyja z boku śpiecsłužbaŭ. Siudy ŭvachodziać sproby ŭpłyvu na redakcyjnuju palityku vydańniaŭ, zapałochvańni žurnalistaŭ, prasłuchoŭka redakcyj i bahata čaho jašče.
Asobnuju ŭvahu The Washington Post nadała spravie Dźmitryja Hałko. Hazieta cytuje słovy žurnalista, jaki kaža, što prysud byŭ pakarańniem za jaho žurnalisckuju dziejnaść.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary