Hienieralny dyrektar Departamienta źniešniaj raźviedki Estonii Mik Maran raskazaŭ u piatnicu ŭ ZŠA, na Forumie biaśpieki ŭ Aśpienie, što siarod hramadskich dziejačaŭ, takich jak žurnalisty, dypłamaty, biznesmieny i palityki, vyjaŭlenyja ludzi, u asobie jakich, jak miarkujecca, havorka idzie pra ahientaŭ upłyvu Rasii, paviedamlaje ahienctva Delfi.
«My raskryli sietku z palitykaŭ, žurnalistaŭ, dypłamataŭ, biznesmienaŭ, jakaja na samaj spravie ŭklučaje ŭ siabie ahientaŭ upłyvu Rasii, jakim kažuć, što im varta rabić, — skazaŭ Maran. — My jasna bačym, što hetyja ludzi naviazvajuć rasijski płan dziejańniaŭ».
Kiraŭnik estonskaj źniešniaj raźviedki papiaredziŭ, što, niahledziačy na samit prezidentaŭ Donalda Trampa i Uładzimira Pucina i z vyhladu dobryja adnosiny, pahroza z boku Rasiei daloka nie prajšła: u apošni čas Kreml staŭ, chutčej, bolš vykarystoŭvać u svaich metach ahientaŭ upłyvu i pavialičvać ich rolu, adznačyŭ Maran.
Jon pryvioŭ u jakaści prykładu palitykaŭ, jakija hadami pracavali na ŭzroŭni miascovych samakiravańniaŭ, a zaraz stali prachodzić u nacyjanalnyja parłamienty i ŭrady krain.
«Što jany (rasiejcy — zaŭv. Red.) im prapanavali? Uvahu ŚMI i palityčnuju padtrymku, ekskluziŭnyja biznes-mahčymaści i ŭ adzinkavych vypadkach taksama finansavuju dapamohu», — adznačyŭ Maran.
Kiraŭnik estonskaj źniešniaj raźviedki nie pahadziŭsia nazvać nivodnaha kankretnaha palityka, dypłamata ci žurnalista, da jakoha jość padazreńnie, što havorka idzie pra ahienta ŭpłyvu.
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary