Zdymak žaŭniera BNR pradajecca na internet-aŭkcyjonie za $2000
Fota vajskoŭca ź bieł-čyrvona-biełaj stužkaj na mundziry niekalki dzion tamu źjaviłasia ŭ prodažy.
Niezvyčajny łot źjaviŭsia na biełaruskim internet-aŭkcyjonie i adrazu pryciahnuŭ da siabie ŭvahu, i nie tolki svaim źmiestam, ale i koštam — 4000 rubloŭ.
Pradaviec śćviardžaje, što heta «unter-aficer biełaruskich vajskovych farmiravańniaŭ. Kala 1919. Padobna, što fota zroblena ŭ horadzie Dźvinsku (siońnia Daŭhaŭpiłs). Imavierna, unter-aficer słužyŭ u Asobnym adździele vojsk BNR pad kamandavańniem hien. Bułak-Bałachoviča». Pamiery fotazdymka — 22 ch 12 sm».
Adnak u kamientarach inšyja ŭdzielniki aŭkcyjonu padajuć, što heta, chutčej, vajskoviec biełaruskich uzbrojenych farmiravańniaŭ ŭ składzie litoŭskaha vojska. «Pierš za ŭsio, niekatoraja častka biełaruskich aficeraŭ zachavała na mundzirach stužačku nacyjanalnych koleraŭ, zasnavanuju K. Jezavitavym u jakaści znaka adroźnieńnia 11 śniežnia 1917 h. Bieł-čyrvona-biełaja stužka pavinna była nasicca pamiž bortam mundzira i prarezam dla druhaha huzika źvierchu», — piša karystalnik i pryvodzić u jakaści prykładu zdymak:
Usich dzivić košt zdymka, chacia pradaviec ličyć, što takaja ŭnikalnaja reč i pavinna doraha kaštavać, chacia i zhodny patarhavacca. «U archivach jość fotazdymki vajskoŭcaŭ biełaruskich farmiravańniaŭ časoŭ BNR, u pryvatnych rukach — heta nadta redkaja reč».
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia12
Kamientary