Nasta Daškievič pra vychavańnie dziaciej: Hałoŭny sakret — lubić ich
Navat nie vierycca, što našaj biasstrašnaj pryncesie ŭžo 4 hady. Padajecca, što tabie zaŭsiody hadoŭ 20, u hałavie svaboda, kachańnie, bieźlič idejaŭ i času, jak dla pracy, hetak i dla siabroŭ. A na samoj spravie ty ŭžo daŭno maješ peŭnyja abaviazki, vialikuju adkaznaść i šmat roznaj važnaj, ale mituśni. A, hałoŭnaje, ty mama, jakaja dała žyćcio i ŭvodziš u jaho adnu niaŭrymślivuju dziaŭčynku i piaščotnaha chłopca.
Kaliści (kali nie mieła dziaciej) ja dumała, što jakija dzieci — zasłuha i plon pracy baćkoŭ. I pra heta pierakonvałasia asabliva tady, kali dzieci pavodzili siabie niejak nie tak, jak, mnie ŭjaŭlałasia, treba było. Ciapier ja baču, nakolki dzieci — sfarmiravanyja Asoby sa svaim unikalnym «Ja». Viadoma, baćki šmat što budujuć, roŭna jak šmat što rujnujuć. Ale kožnaje dzicia prychodzić u śviet asablivaje, sa svaimi talentami i charaktaram. I baćki mohuć krychu «pryčasać» jaho, ale nie pierapisać.
Tamu možna nie bajacca tak, jak bajałasia ja: jak ja vychavaju dzicia? Ci dam rady? Ci ŭsio zrablu pravilna? Jość Toj, Chto adnaznačna zadaŭ peŭnyja kaardynaty ŭ žyćci hetych maleńkich čałaviečkaŭ, a ty ŭžo rychtuj darohu i apracoŭvaj pabityja kalenki. :) i Lubi. Adzinaje, što sapraŭdy patrabujecca — heta lubić ich:).
Kamientary