Až honar biare. Jak u Biełarusi šyjuć čachły na meblu, lepšyja za zamiežnyja
Siońnia ŭ Minsku možna zajści ŭ kramu, za chvilin 10—15 nabyć čachoł dla kanapy dy abnavić svaju meblu. Ale dla Jana Jaraša šlach da svajoj kramy, brenda i franšyzy zaniaŭ niekalki hadoŭ.
Na pačatku 2016 hoda ŭ telekramu, dzie pracavaŭ Jan, źviarnułasia pa rekłamu rasijskaja kampanija, jakaja chacieła pradavać u Biełarusi čachły na meblu. «Rynak byŭ niekranuty. Tamu i prodažy praz telekramu byli vielmi paśpiachovyja», — raspaviadaje Jan.
Z pradstaŭnictvam rasijskaj kampanii nie skłałasia. Choć dla našaj krainy čachły i apynulisia «vaŭ»-tavaram, umovy handlu byli žorstkija. Biznesoŭcy, jakija pracavali ŭ Biełarusi pa franšyzie, prybytku amal nie mieli, niahledziačy na toje, što ich krama prynosiła ci nie najvialikšyja vyručki kampanii siarod sotni inšych.
I tady Jan z kalehami vyrašyli bracca za svaju spravu, choć u raskrutku rasijskaha brendu ŭžo ŭkłali šmat času i srodkaŭ.
«Za 20 dzion my prydumali nazvu, ajdentyku, usio abmalavali i ŭzhadnili. Navat naŭprost na naradach davodziłasia nakidvać eskizy, kreślić, kab znajści toje, što treba. Ciapier my majem svoj brend «Safateks», naŭprost damovilisia z vytvorcami ź Ispanii i Italii i pačali raźvivać ułasnuju vytvorčaść», — kaža biznesoviec.
Miesca kramy vybirali doŭha.
«U čałavieka jość unutrany stupar. Jon nie moža nabyć darahuju reč, nie pamacaŭšy jaje papiarednie. A krama — heta jakraz takoje miesca. My šukali kropku, kudy lohka dajechać i dzie bahata našych patencyjnych klijentaŭ. Tamu adrazu vyrašyli, što budziem susiedničać z Kamaroŭkaj. Jakraz za Domam mebli adkryli šoŭ-rum», — tłumačyć Jan.
Jarkaj plamaj u hetym rajonie stała ich šylda koleru fuksii — modny ŭ hetym hodzie. «Vypadkova patrapili ŭ trend, i duža ŭdała», — dadaje kiraŭnik.
Handlujuć čachłami kramniki ŭ Minsku, a šyjuć ich u Mahilevie.
«My praanalizavali popyt i damovilisia sa znajomymi na pašyŭ čachłoŭ. Jość premium-kalekcyi z darahich tkanin, jość siarednija pa koštu i tannyja varyjanty. Na kalekcyju «Santoryja» nas natchnili italjanskija kalekcyi, vykarystoŭvajem tut technałohiju «bijałaścik»», — adznačaje Jan.
Asablivaść bijałaściku ŭ tym, što hetaja tkanina ciahniecca va ŭsie baki. Dla meblevych čachłoŭ heta vielmi darečy, bo čachoł dobra vyhladaje na luboj kanapie ci fateli. Ale mahiloŭskija majstry pajšli dalej, palepšyli technałohiju i stvaryli śpiecyjalnaje splacieńnie nitak.
«Voś, hladzicie, kali tut adna nitka parviecca, to na čachle heta budzie bačna, vyhlad budzie nieachajny. U našym ža vyrabie bahata nitak, i kali adna ź ich parviecca, to heta asabliva ni na što nie paŭpłyvaje i nijak nie prajavicca», — źviartaje ŭvahu Jan.
Jon tłumačyć, što kolery padbirali pavodle vodhukaŭ pakupnikoŭ i mahčymaściaŭ techniki: «My zaŭždy havorym ź ludźmi, analizujem, što cikavić ludziej, što jany šukajuć i pra što pytajucca».
Jan raspaviadaje, što niejak vypraviŭsia ŭ adnu viosku zavieści zamovu spadaryni i mocna škadavaŭ, što nie ŭziaŭ bolš tavaru: «Vyjšli susiedki, stali cikavicca dy raspytvać, ci možna nabyć tavar prosta zaraz. My razmaŭlali vielmi doŭha, zatoje ciapier ja viedaju, što kankretna cikavić našych pakupnikoŭ».
Ad startavych vaśmi kalekcyj kampanija ŭžo pašyryła asartymient da niekalkich dziasiatkaŭ vidaŭ tavaru. Pašyryŭsia i dyjapazon koštaŭ: ad 100 da 700 rubloŭ za kamplekt.
Ciapier Jan z kalehami šukajuć pradstaŭnikoŭ u inšych haradach: «My sami pracavali pa franšyzie i ŭžo razumiejem, jak nie treba kamunikavać ź ludźmi. Kali vyrašyli stvarać ułasnuju sietku, to pierš-napierš stali prapanoŭvać supracu miascovym, jakija viedajuć ład žyćcia svajoj supolnaści, razumiejuć ludziej i hetak dalej. Bo toje, što pracuje ŭ Minsku, moža nie davać nijakaha plonu ŭ Homieli».
«Safateks» siońnia hatovy nie tolki dapamahčy pradstaŭnikam z navučańniem i stažyroŭkami, ale i nabrać supracoŭnikaŭ u kramu: «Kab padabrać handlara ŭ minskuju kramu, my praviali sumoŭi amal z 400 kandydatami i vyznačylisia z partretam idealnaha supracoŭnika. Akramia taho, u nas jość peŭnaja kolkaść pakupnikoŭ u rehijonach, jakich my pieranakirujem da svaich partnioraŭ. Usie našy viedy i dośvied zašytyja ŭ franšyzu. Dla nas važna, kab čałaviek zarablaŭ na miescy i z taho byŭ prybytak i nam, a nie prosta ŭziać hrošy za franšyzu».
Klijentaŭ šukać nie składana. «Naš klijent — luby čałaviek, u jakoha jość kanapa, fatel ci kresła. Ale važna danieści čałavieku, što čachoł — heta vydatnaja alternatyva pieraciažcy ci zamienie mebli», — dadaje Jan.
UNP 192958555 TAA «Jeŭračachoł»
Ciapier čytajuć
Jak kupić kvateru ŭ Minsku, kali niama kamu dapamahčy? Zadajecca pytańniem biełarus, jaki adkładaje pa $1000 u miesiac i ŭsio adno ŭ adčai11
Jak kupić kvateru ŭ Minsku, kali niama kamu dapamahčy? Zadajecca pytańniem biełarus, jaki adkładaje pa $1000 u miesiac i ŭsio adno ŭ adčai
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi4
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy8787
Kamientary