Vyniki prezientacyi Apple: samy tanny ajpad dla školnikaŭ i novyja dadatki
27 sakavika 2018 hoda Apple praviała prezientacyju. Jaje asablivaściu stała niezvyčajnaje miesca praviadzieńnia — hetuju rolu vykanała zała schodaŭ adnoj z škoł Čykaha. Kampanija pakazała svaje novyja rašeńni dla adukacyi.
Novy iPad
Vonkava novy płanšet absalutna nie adroźnivajecca ad iPad piataha pakaleńnia, jaki kampanija pradstaviła roŭna hod tamu: taja ž dyjahanal u 9,7 cali, aluminijevy korpus i knopka Home z ubudavanym skanieram adbitkaŭ palcaŭ Touch ID.
Aparatnuju asnovu płanšeta składaje pracesar A10 Fusion. Abjom apieratyŭnaj pamiaci nie raskryvajecca. Zatoje viadoma, što asnoŭnaja kamiera navinki maje razroźnieńnie 8 Mp i padtrymlivaje zdymku videa ŭ farmacie Full HD. Čas aŭtanomnaj pracy pa-raniejšamu składaje 10 hadzin.
Na dadzieny momant heta samy tanny płanšet kampanii, metavaja aŭdytoryja jakoha — školniki, studenty i nastaŭniki. Jahony košt u ZŠA składaje $329 (pry hetym dla škoł cana jašče nižejšaja — ŭsiaho $299).
Pakolki iPad 2018 heta, u pieršuju čarhu, «adukacyjny» płanšet, śpiecyjalna dla jaho Apple dapracavała firmovy pakiet dadatkaŭ iWork, dadaŭšy pašyranuju padtrymku styłusa Pencil. Ź jaho dapamohaj nastaŭniki zmohuć vypraŭlać pamyłki svaich vučniaŭ u zdadzienych materyjałach.
Abnaŭleńnie iWork
Tak, u «ofisnyja» dadatki iWork (Pages, Keynote i Numbers) ciapier možna dadavać malunki, ubudoŭvać «razumnyja» anatacyi, a taksama prahladać padručniki, jakija nastaŭniki buduć stvarać na kampjutarach Mac. Takija knihi mohuć uklučać karcinki, videa i zapisy z dapamohaj Apple Pencil.
Pakiet iWork źjaŭlajecca biaspłatnym anałaham Office ad Microsoft. Kožnaja z prahram adaptavanaja dla vykarystańnia jak u asiarodździ iOS, tak i ŭ asiarodździ macOS, dazvalajučy bieśpieraškodna pieraklučacca pamiž płatformami.
Pakiet adukacyjnych dadatkaŭ
Razam z abnoŭlenym iPad 2018 Apple anansavała zapusk dadatkaŭ Schoolwork, Apple School Manager i Classroom z padtrymkaj macOS dla adukacyjnych ustanoŭ. Jany majuć zamianić tradycyjnyja sposaby kantrolu vykładčykami paśpiachovaści vučniaŭ pry dapamozie iPad i kampjutaraŭ Mac.
Classroom vystupić u roli ličbavaha žurnała. Ź jaho dapamohaj nastaŭniki zmohuć kantralavać naviedvalnaść, stvarać nahadvańni i vieści z navučencami dyjałoh. Beta-viersija dadatku dla macOS stanie dastupnaj užo hetym letam.
Schoolwork — heta ŭniviersalny dadatak dla navučencaŭ i vykładčykaŭ. Ź jaho dapamohaj nastaŭniki zmohuć davać zadańni, a vučni — atrymlivać ich. Vykanańnie pracy, zdača jaje na pravierku i sama pravierka ažyćciaŭlajucca taksama ŭ dadatku.
Apple School Manager vystupić u roli administrujučaha dadatku, jaki budzie dastupny tolki adukacyjnym ustanovam. Jon dazvolić addalena kiravać adrazu niekalkimi pryładami i ŭlikovymi zapisami Apple ID, kantralujučy, jakija dadatki ŭstaloŭvaje vučań i jakija jon naviedvaje sajty.
Usie dadatki pracujuć praz frejmvork ClassKit i mocna intehravanyja adno z adnym dla maksimalnaj efiektyŭnaści.
Ciapier čytajuć
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar1
Kamientary