Z 13 pa 18 kastryčnika ŭ staličnym videakompleksie «Centr‑videa» projdzie retraśpiektyŭny pakaz filmaŭ Fiederyka Fielini.
Jak paviedamili ŭ «Centr‑videa», pakaz adkryjecca dramaj «Repietycyja arkiestra» (1979). Film raspaviadaje ab kanflikcie dyryžora i simfaničnaha arkiestra padčas repietycyi, jakaja pieratvaryłasia ŭ «źviarynaje šalenstva». Karcina budzie demanstravacca 13 i 14 kastryčnika.
15—16 kastryčnika adbudziecca pakaz dramy «I karabiel płyvie…» (1983), udastojenaj pryza «Davida i Danateła» za lepšy film, a taksama ŭznaharody Italjanskaha nacyjanalnaha sindykata kinažurnalistaŭ za režysuru, apieratarskuju pracu, dyzajn kaściumaŭ, za ahulny dyzajn filma i śpiecefiekty. Dziejańnie karciny razhortvajecca ŭ lipieni 1914 hoda na karabli «Hłoryja N.» ź dziŭnymi pasažyrami na borcie, jakija supravadžajuć prach opiernaj dzivy Edmie Tetua. Pa šlachu na vostraŭ, dzie naradziłasia śpiavačka, karabiel padabraŭ sierbaŭ‑biežancaŭ, jakija paciarpieli karablekrušeńnie. Sustrety ŭ mory aŭstra‑vienhierski branianosiec zapatrabavaŭ vydačy sierbaŭ, i pamiž karablami zaviazałasia bitva…
17—18 kastryčnika budzie pakazana ramantyčnaja kamiedyja «Džyndžer i Fred» (1985), udastojenaja Hran‑pry Maskoŭskaha mižnarodnaha fiestyvalu i pryza «Siarebranaja stužka» Italjanskaha nacyjanalnaha sindykata kinažurnalistaŭ. U centry filma — sustreča ŭdzielnikaŭ słavutaha ŭ svoj čas tancavalnaha italjanskaha dueta praz šmat hadoŭ paśla taho, jak prajšła ich papularnaść. Byłyja zorki ŭspaminajuć maładość, pieraasensoŭvajuć minułaje, razmaŭlajuć adzin z adnym z dapamohaj tanca.
Ciapier čytajuć
Tamara Vińnikava pradała svoj łondanski dom, zaviešany karcinami samoj siabie ŠMAT FOTA11
Kamientary