23-hadovy Anton raźmiaščaŭ na svajoj staroncy «Ukantakcie» videa, dzie nieanacysty źbivajuć kaŭkazcaŭ, fota narviežskaha zabojcy Brejvika i sceny zabojstvaŭ habrejaŭ, piša sb.by.
Videaroliki chłopiec supravadžaŭ łozunhami «Za biełuju vieru, za Ruski paradak». Vykładvaŭ videa Anton z 2013 hoda, a ŭ 2017-m im zacikavilisia milicyjanty. Zaviali kryminalnuju spravu.
«U 13 hadoŭ Anton ź siabram źbieh z domu i źjechaŭ u Maskvu. Kali stała niama čaho jeści, jany pajšli ŭ niejkuju hramadskuju arhanizacyju. Jaje ofis byŭ začynieny. U hety momant da ich na aŭtamabili padjechali kaŭkazcy i paabiacali, što dapamohuć viarnucca dadomu. Ale zamiest hetaha chłopcaŭ pavieźli ŭ Kałmykiju, dzie na praciahu paŭhoda za vadu i chleb prymušali paśvić baranoŭ i vykonvać inšyja haspadarčyja pracy. Kažuć, ich u Čačniu ŭ rabstva chacieli pradać, ale chłapčukam ŭdałosia źbiehčy.
Paśla hetaha Anton nienavidzieŭ kaŭkazcaŭ, zacikaviŭsia rucham skinchedaŭ, zrabiŭ sabie nakołku ŭ vyhladzie svastyki i dałučyŭsia da ahresiŭna nastrojenych futbolnych fanataŭ, jakija ładzili bojki z kankurujučymi hrupoŭkami, — raspavioŭ sb.by śledčy Dźmitry Fiedasiejeŭ. —
Sam Anton videa nie zdymaŭ i nie źjaŭlaŭsia ich udzielnikam. Ale videa na praciahu niekalkich hadoŭ znachodziłasia ŭ adkrytym dostupie. Pahladzieć jaho moh kožny. U tym liku niepaŭnaletnija. Tak, padčas rasśledavańnia takich złačynstvaŭ niama pahoniaŭ i pierastrełak. Tut hałoŭnaje — pravieści jakasnuju ekśpiertyzu videamateryjału. U našym vypadku ekśpierty pryznali roliki ekstremisckimi. Heta i źjaviłasia padstavaj dla kryminalnaj spravy».
Anton nidzie nie pracavaŭ, mieŭ 6 sudzimaściaŭ za kradziažy, uhony aŭto, mieŭ ałkaholnuju zaležnaść. U vyniku Viciebski abłasny sud vyrašyŭ, što Anton vinavaty ŭ raspalvańni mižnacyjanalnaj i rasavaj varožaci, a taksama ŭ raspaŭsiudzie porna. Bližejšyja 2,5 hoda chłopiec praviadzie za kratami.
Ciapier čytajuć
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca11
Kamientary