Incydent adbyŭsia ŭ Šarm-el-Šejchu, 7 lutaha ŭ mory patanuŭ biełarus. Pra toje, ci dastavili cieła mužčyny na radzimu, u pres-słužbie MZS Biełarusi nie paviedamlajuć.
— Trahičnaja situacyja adbyłasia tydzień tamu, — kamientujuć situacyju ŭ pres-słužbie MZS Biełarusi. — Aśfiksija ŭ vyniku ŭtapleńnia.
Pytańnie ab dastaŭcy cieła čałavieka na radzimu ŭ pres-słužbie nie kamientujuć.
— Usie, kaho heta tyčycca — jaho rodnyja i blizkija, — heta viedajuć.
Jak rastłumačyli TUT.BY ŭ Biełaruskaj asacyjacyi strachoŭščykaŭ, kali čałaviek zastrachavany, dastaŭku cieła na radzimu apłačvaje strachavaja kampanija.
— Jak praviła, repatryjacyja zaŭsiody ŭklučana ŭ strachavy polis, — tłumačyć Iryna Mierźlakova, hienieralny dyrektar Biełaruskaj asacyjacyi strachoŭščykaŭ. — Kali čałaviek patanuŭ i ŭ jaho byŭ strachavy polis, dastaŭku cieła apłacić strachavaja kampanija.
Śpiecyjalist tłumačyć: u siarednim repatryjacyja ź Jehipta ŭ Biełaruś kaštuje 3—5 tysiač dalaraŭ. Zvyčajna, kab pakryć vydatki, strachoŭki chapaje.
— Kožny vypadak varta raźbirać indyvidualna, — praciahvaje surazmoŭca. — Usio zaležyć ad sumy polisa i ŭmoŭ dastaŭki. Naprykład, jakuju sumu vystavić avijakampanija za pieravozku cieła.
U vypadkach, kali ŭ momant nadzvyčajnaha zdareńnia čałaviek, vykažam zdahadku, byŭ pjany abo znachodziŭsia pad dziejańniem narkotykaŭ, u vypłacie strachoŭki jamu mohuć admović.
Ciapier čytajuć
Dla kaho sabralisia budavać vielizarny vantavy most u Minsku?3
Kamientary