Zdareńni5555

Zarezaŭ u kałonii piedafiła, a na sudzie paprasiŭ rasstreł — što viadoma pra novaha śmiarotnika

Pieršy namieśnik staršyni Viarchoŭnaha suda Valery Kalinkovič ahučyŭ imia siomaha «śmiarotnika». Da rasstrełu prysudžany Viktar Lotaŭ, jakoha ŭ vieraśni 2017 hoda pakarali za zabojstva sukamiernika ŭ hłybockaj kałonii №13.

 Ilustracyjnaje fota

«Naša Niva» vyśvietliła, chto taki Lotaŭ i što zdaryłasia ŭ kałonii.

Viadoma, što 30-hadovy mužčyna rodam z Hrodna. Jon nie paśpieŭ ani advučycca, ani ažanicca, ani zavieści dziaciej, bo faktyčna ŭsio žyćcie pravioŭ za kratami — ahułam Lotaŭ mieŭ 4 sudzimaści. Try ź ich — za zabojstvy sukamiernikaŭ.

Pieršy raz jaho asudzili jašče padletkam za ceły šerah złačynstvaŭ: niekalki kradziažoŭ, u tym liku aŭtamabilaŭ… Jon atrymaŭ 3 hady ŭ vychavaŭčaj kałonii.

Paśla adsiedki Lotaŭ nie źmianiŭsia. Iznoŭ kradziažy, rabaŭnictva. Jaho znajšli, zatrymali, sudzili. Na hety raz Viktaru prysudzili 7 hadoŭ kałonii, siadzieŭ u Oršy.

U aršanskaj kałonii mužčyna zabiŭ sukamiernika. Byŭ sud, Viktar atrymaŭ 13 hadoŭ.

Ale paśla hrodzieniec zabiŭ jašče adnaho sukamiernika. Na hety raz jamu prysudzili 21 hod źniavoleńnia.

Adnak i hetaje zabojstva nie stała apošnim. U 2017 hodzie ŭžo ŭ Hłybokim, u vypraŭlenčaj kałonii №13, Lotaŭ jašče raz zabiŭ čałavieka. Achviaraj iznoŭ staŭ źniavoleny — jany pracavali razam.

Viadoma, što Lotaŭ pracavaŭ u kałonii, u cechu, dzie čyścili kabieli, adździalajučy izalacyju ad drotaŭ. Padčas pracy źniavolenyja vykarystoŭvali nievialikija mietaličnyja płaściny, daŭžynioj santymietraŭ piać.

Lotaŭ skraŭ adnu płaścinu i schavaŭ. Kali razam ź inšym źniavolenym vyvoziŭ śmiećcie, jon spyniŭ «kalehu» ŭ miescy, dzie nikoha bolš nie było, i nanios achviary mnostva ŭdaraŭ mietaličnaj płaścinaj.

Mužčyna skanaŭ.

Zatym Viktar adpraviŭsia da achovy i paviedamiŭ, što zarezaŭ źniavolenaha. Matyvy Lotaŭ asabliva nie tłumačyŭ: skazaŭ, što daŭno adčuvaŭ da achviary asabistuju niepryjaznaść i hidlivaść.

Krynicy «Našaj Nivy» paviedamlajuć, što heta źviazana z tym, što zabity naležaŭ da tak zvanaj kasty «apuščanych». Mužčyna, jaki staŭ achviaraj, byŭ dvojčy asudžany za seksualnyja dziejańni ŭ dačynieńni da niepaŭnaletnich. Apošni raz jamu prysudzili 14 hadoŭ źniavoleńnia.

Na sudzie Lotaŭ pryznaŭ vinu, paćvierdziŭ, što zabojstva płanavaŭ zahadzia. Jon sam paprasiŭ dla siabie rasstreł, tamu i nie abskardžvaŭ paśla prysud.

Kamientary55

Ciapier čytajuć

Pad Minskam adbyŭsia mahutny vybuch na hazavym trubapravodzie3

Pad Minskam adbyŭsia mahutny vybuch na hazavym trubapravodzie

Usie naviny →
Usie naviny

Biełaruska aburyłasia koštam lisičak u 55 rubloŭ za kiłahram3

Siaredni zarobak «brudnymi» składaje 911 dalaraŭ4

Adnačasova dźvie avaryi pad Minskam, paciarpieli niekalki čałaviek. Ludzi kažuć pra začaravany ŭčastak trasy

«Pakul nie čuŭ, kab biełarusaŭ departavali». Amierykanski advakat pra mihracyjnuju palityku ZŠA pry Trampie2

Kupałaŭski teatr prapanoŭvaje novuju pasłuhu: ciapier tam možna pabracca šlubam13

Krutoha ajcišnika, jaki viarnuŭsia z Hruzii, asudzili pa čatyroch palityčnych artykułach10

U Amurskaj vobłaści Rasii raźbiŭsia samalot z 49 čałaviekami na borcie

Dva małyja braty atrymali mocnyja apioki pry raspalvańni łaźni

Chodzić lehienda, što Ozi Osbarn adkusiŭ hałavu žyvomu kažanu. A što ž adbyłosia nasamreč?2

bolš čytanych navin
bolš łajkanych navin

Pad Minskam adbyŭsia mahutny vybuch na hazavym trubapravodzie3

Pad Minskam adbyŭsia mahutny vybuch na hazavym trubapravodzie

Hałoŭnaje
Usie naviny →

Zaŭvaha:

 

 

 

 

Zakryć Paviedamić