Uviečary 26 žniŭnia ŭ punkcie propusku Rajhardas (sumiežny — Pryvałka) litoŭskija vartavyja miažy źviarnuli ŭvahu na padazrony aŭtamabil, jaki prybyŭ z boku Biełarusi, paviedamlaje euroby.info.
Lehkavy «Reno Miehan» na biełaruskich numarach spačatku zaniaŭ čarhu na pašpartny kantrol u litoŭcaŭ, zatym raźviarnuŭsia, padjechaŭ da śmietnicy, jakaja stajała la kraju punkta propusku, i kiroŭca pačaŭ niešta vykidvać.
Taki pavarot padziej nie moh nie zacikavić litoŭskich pamiežnikaŭ.
Akazałasia, što biełarus vyrašyŭ pazbavicca ad «pieravahi» i da źjaŭleńnia pamiežnikaŭ paśpieŭ vykinuć častka cyharet biełaruskaj vytvorčaści «NZ Gold», «Minsk Super Slim» «Queen Menthol». Ale nie ŭsie, častka ŭsio jašče znachodziłasia pad siadzieńniem aŭtamabila. Usie cyharety byli biez akcyznych marak.
Zhodna z praviłami, čałaviek, jaki pranios pradmiet, zabaronieny ŭ transhraničnym abarocie, na kantrolna-prapuskny punkt, pryciahvajecca da adkaznaści, navat kali jon pazbavicca jaho. Anałahičnyja praviły dziejničajuć na miažy Jeŭrasajuza nie tolki ŭ litoŭcaŭ ci palakaŭ, ale i na biełaruskaj terytoryi, i raspaŭsiudžvajucca jak u dačynieńni da cyharet, tak i, naprykład, kaŭbas, miasa abo kolkaści śpirtnoha.
Biełarusu inkryminavali kantrabandu cyharet, u tym liku vykinutych na śmietnik, u ahulnaj kolkaści 2500 pačkaŭ. Jaho čakaje štraf u pamiery ad 2700 da 6000 jeŭra, a taksama kanfiskacyja kantrabandy, i, mahčyma, aŭtamabila.
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary