Siońniašniaja piatnica stała cudoŭnym dniom dla supracoŭnikaŭ Kamaroŭki, fanataŭ jaje instahrama i asabista Ivana Tkačuka, načalnika adździeła sacyjalnaha raźvićcia rynku, jaki zajmajecca jaho napaŭnieńniem: akaŭnt znoŭ źjaviŭsia ŭ stužcy karystalnikaŭ. Karaciej, babu Raju nie złamać.
Nahadajem, na dniach chakiery (chutčej za ŭsio z Rasii) uzłamali instahram Kamaroŭki i pačali patrabavać 15 tysiač rasijskich rubloŭ za jaho adnaŭleńnie. Adnak davać hrošy ŭzłomščykam nichto nie źbiraŭsia. Tkačuk źviarnuŭsia ŭ milicyju, a pra kradziež instahrama napisali dziasiatki jak biełaruskich, tak i ruskich ŚMI.
Chakier, viarnuŭšy siońnia instahram, na pytańnie, što padšturchnuła jaho na taki žest, adžartavaŭsia: «Cudy zdarajucca». Ivan Tkačuk kaža, što «cudu» dapamahła adbycca hramadzianskaja salidarnaść:
«Pra złačynstva napisali stolki ludziej, tak šmat hučała słovaŭ padtrymki i prapanoŭ dapamohi… My viarnuli naš instahram biełaruskaj hramadoj, tałakoj. Heta dakazvaje, što naš narod moža abjadnoŭvacca ŭ imia dobrych spraŭ. U mianie navat kamiak u horle staić ad napłyvu emocyj, ja ŭdziačny ŭsim, chto nas padtrymlivaŭ», — padzialiŭsia z «NN» svaimi pačućciami Ivan.
Pakul instahram Kamaroŭki nie pracavaŭ, ad jaho adpisalisia kala 1,5 tysiačy čałaviek. Stvaralniki nie adčajvajucca: heta sprava nažyŭnaja. Hałoŭnaje, što kantent nie zhubleny.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary