Jon byŭ tam zaŭsiody, ale vytvorcy staranna chavali hetuju infarmacyju ad svaich spažyŭcoŭ. Mahčyma, ciapier na ŭpakoŭkach cyharetaŭ źjaviacca specyjalnyja znaki papiaredžańnia pra radyjeaktyŭnuju niebiaśpieku.
Brytanskija specyjalisty vyjavili va ŭnutranaj dakumentacyi tytuniovych kampanij šakavalnuju infarmacyju. Akazvajecca, u tytuni ŭtrymlivajecca radyjeaktyŭny element palonij-210.
Bolš za 40 hadoŭ tamu vytvorcy tytuniu sprabavali znajści sposab prybrać niebiaśpiečny składnik z svajoj pradukcyi, ale nie dali rady. Z taho času tytuniovyja kampanii ŭsimi siłami manilisia nie dapuścić ahałoski hetaj infarmacyi, piša utro.ru.
Ale kahadzie byli znojdzienyja zapisy daśledavańniaŭ Viljama Ferana, jaki pracavaŭ na najbujniejšaha tytuniovaha vytvorcu Philip Morris, u jakich toj piša:
«My sprabavali prydumać technalohiju, pavodle jakoj možna było b vydalić palonij-210 z tytuniovaha liścia. Moj asystent pravioŭ bolšuju častku svajho žyćcia, sprabujučy heta zrabić. My vyśvietlili, što kali pramyvać tytuń, sychodzić kala pałovy paloniju. Rešta ž utrymlivajecca niepasredna ŭ liści, tamu prosta zmyć jaje nie atrymajecca. Niahledziačy na heta, prablemaj stałasia j pramyŭka liścia: ciažka ŭjavić, jak možna pramyvać usio liście tytuniu, jakoje pastupaje da nas».
Tytuniovaja kampanija pryznała, što sprabavała pramyvać tytuniovaje liście vadoj. Adnak vyśvietliłasia, što z-za hetaha tytuń tracić svoj asablivy, charakterny tolki dla jaho vodar. Uładalniki kampanii paličyli, što hetki efekt drenna adabjecca na prodažach, tamu tytuniovaje liście myć kinuli.
Paśla dla vydaleńnia paloniju pasprabavali vykarystoŭvać admysłovyja filtry. Dośledy, adnak, pakazali, što jany zatrymlivajuć usiaho 40-50 adsotkaŭ radyjeaktyŭnaha elementu.
Nastupnaj sprobaj Ferana było stvareńnie prahramy hienetyčnaj madyfikacyi tytuniu, kab ad pačatku nie dapuskać praniknieńnia paloniju-210 u liście. Dy vyniki znoŭ akazalisia niezadavalnialnymi: paśla takoha ŭździejańnia tytuń traciŭ svaje pieršapačatkovyja bijalahičnyja ŭłaścivaści.
Sproby całkam pazbycca ad paloniju ciahnucca j da siońnia, ale nichto nia daŭ rady dasiahnuć mety. I choć tytuniovyja kampanii ćvierdziać, što małoje ŭtrymańnie paloniju nie pahražaje rakam lohkich, hetuju dumku nie padtrymlivajuć navukoŭcy. Pavodle ich eksperymentaŭ, palonij pryvioŭ da źjaŭleńnia raku lohkich ŭ 1% paddoślednych žyviołaŭ. Navukoŭcy kažuć, što padobnyja suadnosiny možna prymianiać i ŭ dačynieńni da ludziej.
Presavy sakratar British American Tobacco, adnak, zajaviŭ, što nieviadoma, jaki cyharetny składnik vyklikaje rak lohkich, a palonij-210 utrymlivajecca i ŭ inšych spažyvanych čałaviekam raślinach, naprykład, u kłubnicach, paviedamlaje Independent.
Mahčyma, ciapier na ŭpakoŭkach cyharetaŭ źjaviacca specyjalnyja znaki papiaredžańnia pra radyjeaktyŭnuju niebiaśpieku.
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ112
Kamientary