Refierentnaja hrupa «Jeŭrabačańnia» ŭniesła šerah źmianieńniaŭ u rehłamient praviadzieńnia piesiennaha konkursu. Jak paviedamlaje EscToday, zhodna sa źmienami, nacyjanalnyja viaščalniki nie pavinny buduć uklučać u svaje delehacyi asob, jakija majuć peŭnyja abmiežavańni na ŭjezd u krainu-haspadyniu «Jeŭrabačańnia».
Takoje rašeńnie było pryniata praź incydent vakoł rasijskaj śpiavački Julii Samojłavaj, jakaja naviedvała akupavany Krym i nie zmahła naviedać z-za hetaha Kijeŭ, u jakim sioleta prachodziŭ konkurs.
Akramia taho, u skład žury nie pavinny być uklučanyja asoby, jakija tak ci inakš źviazanyja z udzielnikami konkursu abo majuć peŭnyja intaresy. Hetyja źmianieńni zroblenyja dla taho, kab žury mahło acanić artystaŭ tolki hruntujučysia na svaim dośviedzie i prafiesijanaliźmie.
Taksama źmieny zakranuli hrafik padrychtoŭki da konkursu paśla taho, jak ukrainski bok mieŭ prablemy z hrafikam arhanizacyi piesiennaha spabornictva. Ciapier Jeŭrapiejski viaščalny sajuz pakidaje za saboj prava pieradać prava arhanizacyi konkursu inšamu viaščalniku ŭ vypadku zatrymak.
Ciapier čytajuć
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa65
Kamientary