Jak stała viadoma «Našaj Nivie», 27 lipienia na terytoryi DŁHU «Čyrvonasielskaje» (niepadaloku ad tajamničaj rezidencyi Michaiła Huceryjeva) adbyłosia zdareńnie — dajvier piensijnaha vieku davaŭ nyrca ŭ voziery Hajdukoŭka i trapiŭ u sietku dla ryby.
Mužčynu vyratavaŭ tolki dośvied płyŭca i nož na pojasie, jakim jon parezaŭ častku sietki i razam ź joj vypłyŭ na bierah.
My znajšli paciarpiełaha, toj paćvierdziŭ fakt zdareńnia i dadaŭ, što budzie praz vyšejšyja instancyi damahacca tłumačeńniaŭ, čamu na płatnych vadajomach isnuć nieabaznačanyja sietki.
«Ja byŭ na hłybini niedzie 6 mietraŭ, uspłyvaŭ užo, vypuskajučy pavietra, i tut — mietry try było da pavierchni — sietka. Ni bujkoŭ naviersie, ničoha! Sietka biez numieracyi. Kaniečnie, ja spałochaŭsia. Ale taja sietka ŭ mianie dla dokazu. Budziem raźbiracca», — raskazaŭ nam mužčyna.
Pa jaho słovach, jon užo atrymaŭ vybačeńni ad supracoŭnikaŭ haspadarki.
«Ale dyrektar ni słova nie skazaŭ! Mianie heta raźjušyła. Mahło ž tak adbycca, što vy b aśviatlali hetuju «navinu» biez majho kamientara — u vyhladzie niekrałohu», — dadaŭ piensijanier.
Dyrektar haspadarki Juryj Kryŭcoŭ spačatku skazaŭ «Našaj Nivie», što takoje zdareńnie vyklučana, a paśla dadaŭ, što «budzie raźbiracca».
Ciapier čytajuć
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5757
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz57
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami4949
Kamientary