Sudździa Bakinskaha suda pa ciažkich złačynstvach Ałaŭsat Abasaŭ prysudziŭ rasijskaha błohiera Alaksandra Łapšyna da troch hadoŭ pazbaŭleńnia voli pa artykułach ab publičnych zaklikach, nakiravanych suprać dziaržavy, i parušeńni dziaržaŭnaj miažy.
«Pierad azierbajdžanskim narodam maja vina tolki maralnaja, ni ŭ jakim razie nie ŭ pravavoj płoskaści. Ja razumieju, nakolki Karabach važny dla Azierbajdžana. Ni pry jakich umovach ja nie ŭstupaŭ u złačynnuju suviaź z armianskimi ŭładami», — zajaviŭ Łapšyn ŭ apošnim słovie 19 lipienia.
Abvinavačvańnie prasiła prysudzić Łapšyna da 6,5 hoda pazbaŭleńnia voli.
Łapšyna asudzili za nieadnarazovyja pajezdki ŭ Nahorny Karabach, za jakija z 2011 hoda jon znachodzicca ŭ «čornym śpisie» MZS Azierbajdžana. Paśla hetaha, u 2015 hodzie, jon zmoh trapić u Azierbajdžan pa ŭkrainskim pašparcie, dzie jon značyŭsia jak «Oleksandr». Heta stała padstavaj dla zaviadzieńnia kryminalnaj spravy i abviaščeńnia Łapšyna ŭ vyšuk.
Błohiera zatrymali ŭ śniežni 2016 hoda ŭ Biełarusi.
Choć Rasija i Izrail (jon hramadzianin abiedźviuch krain) vystupali suprać, Minsk vydaŭ Łapšyna Baku.
Ciapier čytajuć
Što adbyvałasia za kratami z zatrymanymi pa spravie ab padryvie rasijskaha samalota A-50 u Mačuliščach1
Kamientary