Deputaty Nacyjanalnaha schodu Francyi ŭchvalili siońnia zakonaprajekt, jakim praciahvajecca nadzvyčajnaje stanovišča ŭ krainie da 1 listapada 2017 hoda, paviedamlajuć infarmahienctvy.
Za dadzieny zakonaprajekt prahałasavali 137 deputataŭ, suprać było addadziena 13 hałasoŭ. Sienat 4 lipienia taksama prahałasavaŭ za dakumient. Zakon ab padaŭžeńni nadzvyčajnaha stanovišča ciapier ličycca pryniatym.
Nadzvyčajnaje stanovišča było ŭviedzienaje ŭ Francyi ŭ listapadzie 2015 hoda paśla teraktaŭ u Paryžy. Siońnia jano było padoŭžanaje ŭ šosty raz. Jak zajaviŭ ministr unutranych spraŭ Žerar Kałon, padaŭžeńnie nadzvyčajnaha stanovišča da 1 listapada «dazvolić u lepšych umovach pravieści pracu nad tekstam zakonaprajekta ab biaśpiecy krainy». Ministr taksama paviedamiŭ, što dziakujučy mieram, jakija dazvalaje ŭžyvać hety režym, u Francyi z pačatku hoda ŭdałosia praduchilić nie mienš za siem teraktaŭ.
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary