Biaśpieka centralnajeŭrapiejskaha rehijonu budzie hałoŭnaj temaj padčas vizitu prezidenta ZŠA Donalda Trampa ŭ Polščy, — skazaŭ kiraŭnik polskaj dypłamatyi Vitald Vaščykoŭski ŭ efiry Polskaha Radyjo. Na jaho dumku, jość niekalki pytańniaŭ dla abmierkavańnia, jakija tyčacca biaśpieki:
«Za ŭschodniaj miažoj Polščy praciahvajecca rasijska-ŭkrainski kanflikt. I heta, biezumoŭna, pieravažnaja prablema. Taksama pytańni, źviazanyja z NATA — funkcyjanavańniem Polščy ŭ NATA i inšych krain-sajuźnikaŭ. Dla prezidenta Trampa važna, kolki členy Aljansu vydatkoŭvajuć na abaronu. I my, biezumoŭna, budziem kazać ab tym, jak stymulavać raźvićcio abaronnaj sistemy NATA».
Kiraŭnik polskaj dypłamatyi adznačyŭ, što matyŭ padaŭžeńnia terminu prysutnaści amierykanskich vojskaŭ u Polščy źjaviŭsia jašče ŭ chodzie pieramovaŭ prezidenta Polščy Andžeja Dudy z hienieralnym sakratarom NATA Jensam Stołtenbierham. Pa słovach Vitalda Vaščykoŭskaha, «Polšča spadziajecca, što prezident Tramp pradstavić kancepcyju peŭnych pierśpiektyŭ, ale taksama ŭpeŭnienaja, što na praciahu najbližejšych hadoŭ buduć pryniatyja i realizavanyja kankretnyja rašeńni pa hetym pytańni».
Na dumku Vaščykoŭskaha, dyskusija nakont taho, ci pierakanaŭča amierykanski prezident zapeŭnivaje sajuźnikaŭ pa NATA ŭ tym, što ZŠA, u vypadku nieabchodnaści, pryjduć im na dapamohu, źjaŭlajecca štučnaj. Bo ab amierykanskaj salidarnaści śviedčać, u liku inšaha, pamiery vydatkaŭ na ŭzbrajeńnie. «Zamiest rytoryki ja ciapier addaju pieravahu piaci tysiačam amierykanskich žaŭnieraŭ na terytoryi Polščy», — skazaŭ Vaščykoŭski.
Tramp pryjedzie ź vizitam u Polšču na pačatku lipienia. Na pieramovach ź im, akramia temy biaśpieki, buduć zakranutyja taksama pytańni ekanomiki.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić4040
Kamientary