«Sovietskaja Biełoruśsija» nie budzie abviarhać niapraŭdu pra aktyvista Kułakova… bo «Naša Niva» ŭžo paviedamiła pra prabačeńni
«Redaktar «SB» Pavieł Jakubovič vybačyŭsia pierad apazicyjnym aktyvistam Leanidam Kułakovym», — paviedamiła «Naša Niva» ŭ siaredzinie sakavika 2017 hoda. Historyja ciahnułasia z časoŭ prezidenckich vybaraŭ, kali paśla zakryćcia ŭčastkaŭ Kułakova zatrymali milicyjanty.
«Sovietskaja Biełoruśsija» napisała, što ŭ kryvi zatrymanaha aktyvista było 1 pramile ałkaholu. A heta była niapraŭda.
Padčas sustrečy z Kułakovym Pavieł Jakubovič paprasiŭ prabačeńni za tuju publikacyju, a taksama paabiacaŭ źmiaścić piśmovaje abviaržeńnie.
Prajšło niekalki miesiacaŭ, a jano tak i nie było apublikavana. Čamu?
«Z paviedamleńnia redakcyi haziety «Naša Niva» biełaruskaj hramadskaści ŭžo viadomy fakt pryniasieńnia Vam prabačeńniaŭ. Ličym incydent vyčarpanym», — havorycca ŭ aficyjnym adkazie namieśnika Jakuboviča.
Kamientary