ZŠA praciahnuli prypynieńnie sankcyj u dačynieńni da dzieviaci biełaruskich pradpryjemstvaŭ. Rašeńnie budzie dziejničać šeść miesiacaŭ, da 30 kastryčnika 2017 hoda, kali jano nie budzie praciahnutaje abo admieniena, paviedamili ŭ Ministerstvie finansaŭ ZŠA.
Minfin ZŠA praciahnuŭ dazvoł na ździajśnieńnie ździełak ź biełaruskimi pradpryjemstvami, jakija trapili pad sankcyi, zhodna z ukazam prezidenta ZŠA № 13405. U viedamstvie adznačyli, što dadzienaje rašeńnie nie vyzvalaje zabłakavanuju ułasnaść hetych pradpryjemstvaŭ.
U kastryčniku 2015 hoda ZŠA častkova prypynili sankcyi suprać dzieviaci kampanij ź Biełarusi. Heta «Biełnaftachim» i jaje filijał u ZŠA (Belneftekhim USA), «Biełšyna», «Hrodna Azot», «Hrodna Chimvałakno», «Łakafarba», AAT «Naftan», «Połack Škłovałakno». Zatym hetaje rašeńnie pradaŭžałasia na šeść miesiacaŭ u krasaviku i kastryčniku 2016 hoda. Raniej ab čarhovym praciahu režymu prypynieńnia sankcyj paviedamlała ahienctva Reuters.
Amierykanskija kampanii mohuć pravodzić ździełki z nazvanymi biełaruskimi pradpryjemstvami, ale kali suma tranzakcyi pieravyšaje 50 tysiač dalaraŭ, to nieabchodna paviedamić Dziarždepartament ZŠA na praciahu 30 dzion.
Prypynieńnie sankcyj ZŠA stała mahčymym paśla vyzvaleńnia palitviaźniaŭ u 2015 hodzie, spakojnych vybaraŭ u kastryčniku taho ž hoda, a taksama prachodžańnia ŭ parłamient pieršych apazicyjnych deputataŭ za 12 hadoŭ u 2016 hodzie.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary