Brescki błohier Siarhiej Piatruchin zatrymany pry ŭjeździe ŭ Biełaruś
Viadomy brescki błohier, prychilnik ruchu «Za svabodu» Siarhiej Piatruchin zatrymany 25 krasavika pamiežnikami pad čas pašpartnaha kantrola.
14 sakavika Leninski rajonny sud Bieraścia zavočna pakaraŭ 15 sutkami aryštu za ŭdzieł u niesankcyjanavanym maršy darmajedaŭ Siarhieja Piatruchina. Nasamreč, błohier aśviatlaŭ akcyju, ale milicyjant pakazaŭ, što jon pravakavaŭ ludziej. Na sud tady Piatruchin nie źjaviŭsia, bo źjechaŭ u pracoŭnuju kamandziroŭku.
«Siarhieja zatrymali pamiežniki adrazu paśla pašpartnaha kantrolu. Usio było vielmi spakojna i pa płanie», — raspavioŭ sajtu Pyx.by suaŭtar «Narodnaha reparciora» i siabra Siarhieja Piatruchina Źmicier Harbunoŭ.
Kudy dastavili błohiera, pakul nieviadoma: mahčyma, adrazu ŭ IČU, bo rašeńnie pa jahonaj spravie jość. Jość vierahodnaść, što jon pieranačuje ŭ pamiežnikaŭ, bo ŭmovy ŭ ich dla hetaha jość, dadaŭ Harbunoŭ.
Pa jahonych słovach, jany zahadzia abmierkavali, što moža z saboj ŭziać Siarhiej, bo jaho čakaje aryšt 15 sutak.
«Siarhiej Piatruchin viarnuŭsia ŭ Biełaruś, kab udzielničać u sudzie pa poźvie «Dynama»», — raspavioŭ sajtu Pyx.by kaardynatar Ruchu «Za Svabodu» pa Breście Dzianis Turčaniak.
Jany razam ź Piatruchinam źjaŭlajucca adkazčykami pa poźvie «Dynama» za videasiužet, u jakim raskryvajuć cieniavyja schiemy pry vydzialeńni ŭčastka ŭ centry Bresta. Sud adbudziecca 26 krasavika ŭ 14.10.
«Siarhiej chacieŭ asabista pryniać udzieł u pasiedžańni, ale pakul nieviadoma, ci budzie jon dastaŭleny na jaho», — dadaŭ Turčaniak.
Jak raniej patłumačyŭ sajtu Pyx.by sam Siarhiej Piatruchin, ad siońniašniaha dnia jon raspačynaje pieradvybarnuju kampaniju na miascovych vybarach.
Błohier viadomy svaim jutub-kanałom «Narodny reparcior», dzie vykryvaje karupcyju i ŭzdymaje vostryja sacyjalnyja prablemy.
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary