Kali zadać pytańnie pra toje, jaki pieryjad u historyi Biełarusi źjaŭlajecca pavarotnym, adrazu ŭźnikaje dumka pra 1990—1996 hady.
Na płatformie «Ulej» pačaŭsia kraŭdfandynhavy zbor srodkaŭ na vydańnie knihi «Biełaruś u 1990—1996. Fakty, padziei, kamientary».
Hetaje vydańnie zasnavanaje vyklučna na aryhinalnych archiŭnych materyjałach. Jano pačynajecca z Dekłaracyi ab dziaržaŭnym suvierenitecie Biełarusi ad 27 lipienia 1990 h. i pastupova da refierendumu 24 listapada 1996 h. zaciahvaje ŭ svaju arbitu samyja važnyja dakumienty i padziei. Što da zakanadaŭčych, albo raspradča-vykanaŭčych aktaŭ, to drukujecca nie prosta ich hoły tekst, jaki možna znajści na samych roznych sajtach jurydyčnaha kštałtu, ale i podpisy aficyjnych asobaŭ. Niaŭžo čytaču nie budzie cikava daviedacca, jak raśpisvalisia Mikałaj Dziemianciej i Stanisłaŭ Šuškievič, Vasil Šaładonaŭ i Juryj Zacharanka, Alaksandr Łukašenka i Ŭładzimir Kavalonak i šmat inšych viadomych asobaŭ?
Mocny bok vydańnia — ilustratyŭnaja častka. Kali havorka idzie pra fotazdymki, to jany majuć nastolki aryhinalny charaktar, što ich nielha budzie adšukać, naprykład, na viadomym sajcie www.vytoki.net.
Ilustracyi — heta nie tolki fatazdymki, ale i dakumienty ź cikavami zaŭvahami. Jakuju, naprykład, rezalucyju nakłaŭ 17 lutaha dalokaha 1995 hoda premjer-ministr Michaił Čyhir na spravazdaču ministra ŭnutranych spraŭ Juryja Zacharanki ab chodzie vykanańnia prezidenckaj prahramy nieadkładnych zachadaŭ pa vychadu ekanomiki Respubliki Biełaruś z kryzisu? Ci atrymaŭ u tym ža 1995 hodzie adzin z samych upłyvovych na Łukašenku jaho paplečnikaŭ Viktar Šejman try z pałovaj miljardy rubloŭ (tolki na ciakučy hod) na Dziaržaŭny centr biaśpieki infarmacyi Rady dziaržaŭnaj biaśpieki Respubliki Biełaruś?
Kožny dakumient maje hruntoŭny pašyrany kamientar, kab čytać zmoh ujavić składanuju i supiarečlivuju palitru pieryjadu 1990—1996 hadoŭ. Vydańnie zapłanavana z uchiłam na palityčnuju historyju, adnak biez uvahi nie zastanucca ekanamičnyja, kulturnyja, zamiežnapalityčnyja pytańni.
U aŭtara, kandydata histaryčnych navuk, dacenta Alaksandra Kurjanoviča majecca dobry vopyt. Jon źjaŭlajecca ŭkładalnikam vydańnia «Apazicyja Biełaruskaha Narodnaha Frontu ŭ Viarchoŭnym Saviecie 12-ha sklikańnia», pra što, darečy, zhadvała «Naša Niva».
Voś jahony zvarot:
Padrabiaźniej aznajomicca z prajektam, aŭtaram i niekatorymi jaho pracami možna na sajcie «Ulej».
-
Jadzierny reaktar pad Minskam, jaki ŭzvodzili žychary Prypiaci. Historyja ACEC u Družnym, jakuju ŭratavaŭ i pachavaŭ Čarnobyl
-
Atamnyja mary Savieckaj Biełarusi: Brasłaŭ, Viciebsk, Łukoml ci Paleśsie? Čamu na Biełarusi tak i nie źjaviłasia maštabnaja sietka AES
-
U Varšavie pračytajuć lekcyju pra navahradskuju šlachtu ŭ XVIII stahodździ
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary