Ukraina ŭ partniorstvie z BitFury pieraviadzie dziaržaŭnuju infarmacyju na błokčejn-płatformu
Urad Ukrainy zaklučyŭ damovu z amierykanskaj kampanijaj BitFury i pieraviadzie značnuju častku svaich dadzienych na błokčejn-płatformu. Pra heta ŭ intervju Reuters paviedamiŭ vykanaŭčy dyrektar kampanii Valeryj Vaviłaŭ. Jon nie raskryvaje sumu pahadnieńnia, ale kaža, što heta najbujniejšy prajekt pa ŭkaranieńni technałohii błokčejn u dziaržaŭnych strukturach.
Vykarystańnie błokčejna ŭ dziaržaŭnym kiravańni — papularny trend apošnich hadoŭ, jaki dazvalaje padvysić efiektyŭnaść i palepšyć prazrystaść pracy dziaržaŭnych orhanaŭ.
Block chain — heta vielizarnaja baza dadzienych ahulnaha karystańnia, jakaja funkcyjanuje biez centralizavanaha kiravańnia.
«Biaśpiečnaja dziaržaŭnaja sistema na asnovie błokčejna dapamoža zekanomić miljardy dalaraŭ i značna paŭpłyvaje na sacyjalnuju śfieru i ekanomiku ŭ hłabalnym maštabie dziakujučy prazrystaści i vysokamu ŭzroŭniu kantrolu», — adznačyŭ Vaviłaŭ.
Niekatoryja krainy taksama pačali pierachodzić na błokčejn-płatformu, naprykład Šviecyja, Hruzija i Estonija. Ale ich błokčejn-płatformy zvyčajna achoplivajuć tolki adzin ci dva siektary, naprykład ziemleŭparadkavańnie i nieruchomaść. A ŭkrainskaja błokčejn-płatforma budzie raspaŭsiudžvacca amal na ŭsie dziaržaŭnyja struktury, u tym liku kibierbiaśpieku.
«Pahadnieńnie pryviadzie da stvareńnia va Ukrainie absalutna novaj ekasistemy dla dziaržaŭnych prajektaŭ, zasnavanych na technałohii błokčejn. Naša meta ambicyjnaja i zrazumiełaja — my chočam zrabić Ukrainu lidaram u technałohii błokčejn», — adznačyŭ staršynia Dziaržaŭnaha ahienctva pa pytańniach elektronnaha ŭrada Ukrainy Alaksandr Ryženka.
Užo ŭ kancy 2017 hoda BitFury zapuścić nievialiki piłotny prajekt, jaki dazvolić ukaranić błokčejn u nacyjanalnuju ličbavuju płatformu. Pieršapačatkova na novuju płatformu buduć pieraviedzieny dziaržaŭnyja rejestry, sacyjalnyja słužby, orhany biaśpieki, achovy zdaroŭja i enierhietyka. Paśla piłotnaha prajekta, błokčejn-płatforma budzie ŭkaraniacca i ŭ inšych śfierach.
Dla BitFury heta ŭžo druhi ŭradavy prajekt. Letaś u mai kampanija padpisała pahadnieńnie z Hruzijaj ab zapusku pieršaha piłotnaha błokčejn-prajekta ŭ śfiery ziemleŭparadkavańnia.
Kiraŭnik BitFury Valeryj Vaviłaŭ źjaŭlajecca hramadzianinam Łatvii, va Ukrainie jon viadomy ŭ pieršuju čarhu jak stvaralnik papularnaha fajłaabmiennaha servisu EX.UA
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary