21 sakavika Taćcianu Sieviaryniec buduć sudzić za ŭdzieł u viciebskim «Maršy niedarmajedaŭ»
Taćciana Sieviaryniec atrymała pozvu ŭ Kastryčnicki rajsud Viciebska, dzie skazana, što 21 sakavika ŭ 9.20 sudździa Alena Žarykava budzie raźbirać administracyjnuju spravu, inicyjavanuju supracoŭnikami milicyi, piša Radyjo Svaboda
Taćcianu Sieviaryniec vinavaciać va ŭdziele ŭ niesankcyjanavanym masavym mierapryjemstvie pavodle artykuła 23.34 Kodeksu ab administracyjnych pravaparušeńniach. Sprava suprać jaje była raspačataja 26 lutaha, kali pa skančeńni viciebskaha «Maršu niedarmajedaŭ» aktyvistku zatrymali niepadalok ad jaje domu.
U «Maršy niedarmajedaŭ» u toj dzień uziali ŭdzieł kala 2,5 tysiačy čałaviek, jakija spačatku sabralisia na płoščy Pieramohi, a potym prajšli kalonaj praz uvieś horad da płoščy Lenina. Nakolki viadoma žurnalistam, aproč Taćciany Sieviaryniec bolš nivodnaha prysutnaha na maršy nie zatrymlivali, nie abvinavačvali ŭ parušeńni pravaparadku, nie sudzili i nie karali.
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary