Biełaruskaje hramadstva saśpieła dla stvareńnia nacyjanalnaha memaryjału ŭ Kurapatach. Hetaja tema abmiarkoŭvałasia padčas teleprahramy «Kłub redaktaraŭ» u subotnim efiry kanała «Biełaruś 1», pieradaje BiełTA.
«Kali padsumavać mierkavańnie hramadstva pa vynikach kruhłaha stała, jaki prajšoŭ u redakcyi «SB. Biełaruś siehodnia», to nam nieabchodny ahulnanacyjanalny miemaryjał smutku i pamiaci. Inšych mierkavańniaŭ nie było vykazana. Mnohija ludzi razumiejuć, što Kurapaty — nie zvyčajnyja mohiłki. Tam spačyvajuć achviary niezakonnych amaralnych palityčnych represij, jakija, na žal, adbyvalisia na terytoryi Biełarusi. Mnohija hady hetaje pytańnie nie vyrašałasia. Ciapier, napeŭna, hramadskaja dumka saśpieła», — skazaŭ redaktar haziety «SB. Biełaruś siehodnia» Pavieł Jakubovič.
U płanach haziety abviaścić dabračynny prajekt z rachunkam, kab kožny, chto moža, unios srodki na dobraŭparadkavańnie Kurapataŭ, na ŭstanaŭleńnie adzinaha dla ŭsich pamiatnaha znaka. «I, viadoma, dziaržava pavinna tut padstavić plačo. Voś heta jadnańnie dziaržavy, hramadskich arhanizacyj, usich ludziej z narmalnym sercam — tady Kurapaty stanuć tym, čym jany pavinny być», — padkreśliŭ Pavieł Jakubovič. Na jaho dumku, hramadstva hatovaje dziejničać sumiesna.
Udzielniki teleprahramy taksama zakranuli temu budaŭnictva biźnies-centra niedaloka ad Kurapataŭ.
«Treba skazać, što da Kurapataŭ jak da miesca pachavańnia hetaja historyja z budaŭnictvam biźnies-centra ŭ dvary doma numar 42 pa vulicy Mirašničenki nie maje nijakaha dačynieńnia», — adznačyŭ Jakubovič.
Jak zaŭvažyŭ staršynia Nacyjanalnaj dziaržaŭnaj teleradyjokampanii Hienadź Davydźka, kali ciapier spynić heta budaŭnictva, to praź niejki čas, naprykład, kali chtości zachoča pastavić kijosk z marozivam za paŭkiłamietra ad Kurapataŭ, taksama pratesty ŭklučacca.
«Kurapaty stali śvidravinaj, ź jakoj apazicyja voś užo 30 hadoŭ pryvatna pasmoktvaje palityčny kapitalec. Kurapaty para nacyjanalizavać raz i nazaŭsiody i zrabić heta miescam smutku, miescam spraviadlivaści i nie rabić z hetaha palityku. Heta naša ahulnaja historyja», — reziumavaŭ jon.
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza3
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary