Rektarka pachvaliłasia svabodnym vykarystańniem biełaruskaj movy na sajcie svajho instytuta — a tam naviny pierakładajucca praz «Huhł Transłejt»
«Asobnyja zajavy ab prablemach vykarystańnia biełaruskaj movy, jakija hučać publična, źjaŭlajucca papulisckimi», — zajaviła ŭ kamientary BIEŁTA rektarka Minskaha abłasnoha instytuta raźvićcia adukacyi (MAIRA) Śviatłana Sitnikava.
«Kali chočaš havaryć — havary, što chočaš pisać — pišy, chočaš zdavać ekzamieny na biełaruskaj movie — kali łaska, zdavaj, padručniki vydadzienyja. Dzieciam, jakija ŭdzielničajuć u pradmietnych alimpijadach, zadańni taksama dajucca pa-biełarusku. Centralizavanaje teściravańnie možna zdavać na biełaruskaj movie. Jość masa prykładaŭ dziaciej, jakija, prychodziačy ŭ VNU, praciahvajuć havaryć na biełaruskaj movie», — pierakananaja jana.
U jakaści dadatkovaha prykładu volnaha vykarystańnia adnoj ź dziaržaŭnych moŭ jana pryviała arhanizacyju pracy va ŭznačalenym joju instytucie raźvićcia adukacyi. Tak, Minskim abłvykankamam daŭno dadzienaja ŭstanoŭka, kab jak minimum pałova dakumientacyi viałasia na biełaruskaj. «Toje ž datyčycca i raźmiaščeńnia navin na sajcie instytuta ŭ internecie, što całkam vykonvajecca», — adznačaje BiełTA.
Jak vyhladaje biełaruskamoŭnaja viersija na sajcie instytuta, jakim kiruje Sitnikava? Heta aŭtamatyčny pierakład praź siervis «Huhł Transłejt». Možna pačytać mašynnuju viersiju padradkoŭnaha pierakładu choć na biełaruskuju, choć na ałbanskuju.
Kamientary