Ministr abarony Brytanii: Rasijski avijanosiec «Kuźniacoŭ» — karabiel hańby
Brytanski fłot i bajavyja samaloty nazirajuć za rasijskim avijanoscam «Admirał Kuźniacoŭ», jaki viartajecca ŭ Rasiju praz Ła-Manš.
U aficyjnaj zajavie z hetaj nahody ministr abarony Vialikabrytanii Majkł Fełan nazvaŭ «Kuźniacova» karablom hańby, pieradaje Reuters.
«My budziem uvažliva nazirać za «Admirałam Kuźniacovym», pakul jon ciahniecca nazad u Rasiju, za hetym karablom hańby, dziejańni jakoha tolki pavialičyli pakuty siryjskaha narodu», — havorycca ŭ zajavie ministra.
Niešmatlikija samaloty z sastarełaha avijanosca bambili celi ŭ Siryi i z-za techničnych prablem dva samaloty raźbilisia.
Zachad ličyć, što rasijskaja avijacyja masava bambiła siryjskuju terytoryju, nie zvažajučy na straty mirnaha nasielnictva.
Minułaj vosieńniu, kali «Kuźniacoŭ» išoŭ mima Brytanii da bierahoŭ Siryi, staraja siłavaja ŭstanoŭka karabla i jaje drenny stan vyklikali žarty tysiač internet-karystalnikaŭ. Ich uvahu pryciahnuli fotazdymki i videakadry ź niezvyčajna ščylnym i čornym dymam, jaki padymajecca z kominaŭ avijanosca.
Maleńkaja dla takoha vialikaha karabla avijahrupa, abumoŭlenaja chibami savieckaj kancepcyi avijanosnaha krejsiera, taksama nie dazvalaje jamu paŭnavartasna vykonvać bajavyja zadačy.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku
Kamientary