Litva vitaje rašeńnie Biełarusi ab uviadzieńni piacidzionnaha biaźvizavaha režymu dla hramadzian 80 dziaržaŭ praz aeraport «Minsk», ale čakaje adkazu z nahody režymu pieramiaščeńnia žycharoŭ pamiežža. Pra heta zajaviŭ ministr zamiežnych spraŭ Litvy Linas Linkiavičus u kamientary lrytas.tv.
Pa słovach ministra, taki paradak ŭjezdu — tolki praz Nacyjanalny aeraport «Minsk» nie nadta aktualny litoŭcam, bo ŭ Biełaruś jany čaściej padarožničajuć naziemnym, a nie pavietranym transpartam.
«Viadoma, heta krok da adkrytaści, ale tut ja b chacieŭ nahadać, što my jašče z 2010 hoda abmiarkoŭvajem tak zvanaje pahadnieńnie ab małym pamiežnym ruchu, jakoje b istotna spraściła pajezdki dla žycharoŭ pamiežža pa abodva baki miažy», — zajaviŭ Linkiavičus.
«U hetym pytańni my ŭsio jašče nie atrymali adkazu ad Biełarusi. Našy ludzi nie tak časta karystajucca aeraportam, im usio ž aktualniej pieramiaščeńnie naziemnym transpartam», - dadaŭ jon.
Nahadajem, mały pamiežny ruch chočuć ŭvieści dla žycharoŭ 30-50 kiłamietrovaj prymiežnaj zony dla sproščanaha pierasiačeńnia miažy. Pakul pahadnieńnie dziejničaje tolki na miažy Biełarusi i Łatvii. Pytańnie ab małym pamiežnym ruchu z Polščaj i Litvoj pakul zastajecca na paradku dnia.
9 studzienia Alaksandr Łukašenka padpisaŭ ukaz ab biaźvizavym paradku ŭjezdu ŭ krainu na termin nie bolš za 5 sutak pry ŭjeździe praz punkt propusku «Nacyjanalny aeraport Minsk» dla hramadzian 80 dziaržaŭ, u tym liku i hramadzian ES.
Ciapier čytajuć
Dla kaho sabralisia budavać vielizarny vantavy most u Minsku?3
Kamientary