U Minsku za niezakonnaje naviedvańnie Karabacha zatrymany rasijska-izrailski błohier
U Minsku zatrymany rasijska-izrailski błohier Alaksandr Łapšyn (u jaho taksama jość pašparty Ukrainy i Kanady). «Blacha! Mianie tolki što aryštavała milicyja ŭ Minsku pa zapycie Azierbajdžana. Ja ŭ Pieršamajskim RUUS Minska», — napisaŭ Łapšyn na svajoj staroncy ŭ fejsbuku.
Łapšyn nie raz naviedvaŭ Nahorny Karabach, za što jašče ŭ 2011 hodzie byŭ uklučany ŭ «čorny śpis» MZS Azierbajdžana. Adnak u červieni minułaha hoda Łapšyn zajechaŭ u Azierbajdžan praz terytoryju Hruzii pa ŭkrainskim pašparcie. Prajści pamiežny kantrol i apynucca ŭ Baku Łapšynu ŭdałosia dziakujučy tamu, što va ŭkrainskim pašparcie imia «Alaksandr» było zapisana pa-ŭkrainsku — «Oleksandr».
Miž tym, pa dadzienych infarmavanych krynic Azeri.Today, Azierbajdžan sapraŭdy abviaściŭ Alaksandra Łapšyna ŭ mižnarodny vyšuk za parušeńnie zakona «Ab dziaržaŭnaj miažy» i mihracyjnaha kodeksa. Na dadzieny momant struktury Azierbajdžana i Biełarusi viaduć pieramovy ab pieradačy Łapšyna ŭ Baku i pryciahnieńni jaho da adkaznaści.
Ciapier čytajuć
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»28
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami2929
Kamientary