Novaje kiraŭnictva TBM budzie abranaje ŭ kastryčniku 2017 hoda

Vybary novaha kiraŭnictva hramadskaha abjadnańnia «Tavarystva biełaruskaj movy imia Franciška Skaryny» (TBM) adbuducca na čarhovym źjeździe, jaki pryznačany na kastryčnik 2017 hoda. Takoje rašeńnie 27 listapada ŭ Minsku pryniali členy rady TBM, paviedamiŭ staršynia abjadnańnia Aleh Trusaŭ.

«Nastupny źjezd ŭčora my pryznačyli na kastryčnik nastupnaha hoda. Na tym źjeździe ja składu svaje paŭnamoctvy, i nam treba budzie vybrać novuju kamandu», — skazaŭ jon.

Staršynia TBM zajaviŭ, što maje namier kančatkova syści z pasady kiraŭnika ab`iadnańnia i nie budzie pieraabiracca. «Ničoha dziŭnaha ŭ hetym niama, ja pra heta kazaŭ jašče dva hady tamu. Ja vyrašyŭ pajści, tamu što ŭznačalvaju abjadnańnie ŭžo zanadta šmat hadoŭ — z 1999 hoda. Jak kažuć, treba nie tolki svoječasova pryjści, ale jašče važniej svoječasova syści, heta zakon historyi. Tyja kiraŭniki, jakija parušajuć hety zakon, zvyčajna sychodziać z pasady abo napierad nahami, abo z hańbaj. Tamu lepš zahadzia syści narmalna», — padkreśliŭ Trusaŭ.

Jon taksama dadaŭ, što nie budzie samastojna vyłučać kandydatury na pasadu staršyni ab`iadnańnia i naroŭni z usimi «padtrymaje tuju kandydaturu, jakaja bolš spadabajecca». Pavodle jaho słoŭ, u jaho jość niekalki favarytaŭ, ale jon pryncypova nie choča vykazvać svaje mierkavańni, kab «nie paŭpłyvać na hramadskuju dumku členaŭ abjadnańnia».

Trusaŭ adznačyŭ, što na nastupnym pasiadžeńni rady, jakoje adbudziecca ŭ kancy studzienia 2017 hoda, kirujučy orhan ab`iadnańnia pavinien pradstavić śpis prapanoŭ pa kandydatach na pasady staršyni, jaho namieśnikaŭ i členaŭ rady. «Da źjezda my budziem abmiarkoŭvać hetyja kandydatury publična — u haziecie i internecie, a ŭžo na samim źjeździe prymiem kančatkovaje rašeńnie. Usio pa-jeŭrapiejsku», — rastłumačyŭ kiraŭnik TBM. Jon padkreśliŭ, što hety śpis budzie ŭtrymlivać tolki prapanovy ciapierašnich členaŭ rady, šarahovyja siabry ab`iadnańnia paśla zmohuć pašyryć koła kandydataŭ.

«Razam sa mnoj sychodzić cełaje pakaleńnie, — skazaŭ Trusaŭ. — Siońnia ŭ našaj radzie — zasłužanyja ludzi, jakim pa 80, a niekatorym pad 90 hadoŭ. Tamu treba, kab u kiraŭnictva pryjšli ludzi, jakija maładziejšyja za nas minimum hadoŭ na 20—30. Ja baču ŭ radzie tych, kamu siońnia 35—50 hadoŭ».

«Nastupny kiraŭnik pavinien budzie jak minimum zachavać toje, što ŭ nas siońnia jość. A maksimum budzie zaležać ad taho, jakuju jon źbiare kamandu, jak hetaja kamanda budzie pracavać, jakimi buduć adnosiny z uładaj, z hramadstvam i hetak dalej. Tut užo ŭsio zaležyć ad asoby kiraŭnika», — skazaŭ kiraŭnik» Tavarystva biełaruskaj movy».

• 0
• 0
• 0
• 0
• 0
• 0
• 0
• 0