Supracoŭniki 11 upraŭleńnia HUBAZiK MUS 22 listapada zatrymali čaćviarych maładych ludziej, jakich padazrajuć u vandaliźmie. Jak paviedamlajecca, zavadataru — 19 hadoŭ, troje jaho zmoŭščykaŭ — niepaŭnaletnija. Usie jany vučacca ŭ miascovych kaledžach.
Pamiatny znak zabitym u vajnu habrejam ablili čornaj farbaj u subotu, 19 listapada, kala 2:00.
Padazravanyja prytrymlivajucca ŭltrapravych idej nacyzmu i źjaŭlajucca ŭdzielnikami niefarmalnaha ruchu mahiloŭskich skinchedaŭ. Adzin ź ich na praciahu hetaha hoda ŭžo dvojčy pryciahvaŭsia da administracyjnaj adkaznaści pa art. 17.10 KoAP Respubliki Biełaruś (prapahanda i (abo) publičnaje demanstravańnie, vyrab i (abo) raspaŭsiudžvańnie nacysckaj simvoliki abo atrybutyki).
Vybar miesca i abjekta dla cyničnaj vychadki płanavaŭsia zahadzia. Prykładna miesiac vandały vyvučali miascovyja słavutaści i pamiatnyja dla habrejaŭ miescy. Praviadzieńnie «akcyi» było prymierkavana da suboty — śviatočnaha dnia iŭdziejaŭ.
Mahiloŭski mižrajonny adździeł Śledčaha kamiteta zavioŭ kryminalnuju spravu pa č.2 art. 339 KK Respubliki Biełaruś (chulihanstva, ździejśnienaje hrupaj asob). Pravodziacca dalejšyja apieratyŭna-śledčyja mierapryjemstvy. Praviarajecca dačynieńnie złamyśnikaŭ da ździajśnieńnia inšych złačynstvaŭ.
Pamiatny znak z vysiečanymi na im dałoniami mahiloŭskija habrei ŭstalavali na vulicy Łazarenki ŭ 2008 hodzie. Na jaho miescy ŭ žniŭni 1941 hodu nacysty źbiralisia zrabić uvachod u hieta, ale ŭ kastryčniku jany zabili źniavolenych habrejaŭ. Ź dziesiaci tysiač acaleli adzinki. Srodki na pamiatny znak habrei źbirali tałakoj.
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary