Jak paviedamiła Intex-press Volha Sakuta, pres-sakratar Baranavickaha HAUS, 18 listapada, u 21.16, u milicyju pastupiŭ zvanok ad vidavočcy zdareńnia. Jon paviedamiŭ, što ŭ Paŭnočnym mikrarajonie małady čałaviek skočyŭ z mosta na čyhunačnyja šlachi.
Jaŭhien Radzivonaŭ staŭ śviedkam niaščasnaha vypadku. Heta jon patelefanavaŭ u milicyju.
«Ja išoŭ ź dziaŭčynaj. Usio adbyvałasia na našych vačach. Chłopiec vyhladaŭ tryvožnym, čym pryciahnuŭ našu ŭvahu. Jon kidaŭsia z boku ŭ bok. Spačatku my padumali, što jon kahości šukaje. Potym pabieh u bok mašyn, ale ŭ apošniuju siekundu pieradumaŭ i pabieh na most. Tam chłopiec pasprabavaŭ zahavaryć ź niejkaj dziaŭčynaj, ale jana nie zachacieła ź im kamunikavać i pajšła dalej. Jon prysieŭ na bardziur na moście, pačakaŭ, pakul my pojdziem bližej, paprasiŭ u nas prykuryć», — uspaminaje Radzivonaŭ.
Jaŭhien spytaŭ u chłopca, što zdaryłasia, toj adkazaŭ, što «treba svoječasova prychodzić dadomu». Zatym małady čałaviek, pa słovach Jaŭhiena, rezka pabieh napierad pa moście. Dabiehšy da siaredziny, paru razoŭ zaciahnuŭsia cyharetaj i saskočyŭ z mosta.
«My padbiehli na miesca skačka i, ubačyŭšy chłopca ŭnizie, vyklikali chutkuju i milicyju», — raspavioŭ Radzivonaŭ.
Ciapier małady čałaviek znachodzicca ŭ balnicy. U jaho šmatlikija traŭmy, jaho stan ciažki. Jon uradženiec Hrodzienskaj vobłaści, 1997 naradžeńnia. Pa fakcie zdareńnia pravodzicca pravierka i vyśviatlajucca pryčyny jaho ŭčynku.
-
U Pružanach sa stralaninaj zatrymlivali kiroŭcu biez pravoŭ
-
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi
-
«Parvaŭ sabie dyjafrahmu i kiški, nanoŭ vučyŭsia chadzić». Unuk aŭtara «Kałychanki» Vasila Rainčyka raspavioŭ, jak trapiŭ u strašnuju avaryju
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy68
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi3
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary