Vunderkind Cimur Suško, jaki ŭ 12 hadoŭ pastupiŭ u mieduniviersitet, uziaŭ akademičny adpačynak
Cimur Suško, jaki ŭ 12 hadoŭ pastupiŭ u mieduniviersitet, pierajšoŭ na druhi kurs, adnak uziaŭ akademičny adpačynak. Pra heta TUT.BY raspavioŭ baćka chłopčyka i jaho adnahrupniki.
— Cimur pierajšoŭ na druhi kurs, i my vyrašyli ŭziać akademičny. Ciapier jon zajmajecca płavańniem i zajmajecca navukovaj pracaj, — raspavioŭ baćka Cimura Vasil Vasiljevič.
Nahadajem, Cimur — chłopčyk-vunderkind. U 1,8 hoda jon biehła čytaŭ, u 5,5 pastupiŭ u pieršy kłas i amal adrazu ž pierajšoŭ u druhi — rabić u pieršym jamu nie było čaho. Ź piataha kłasa jon stupiŭ adrazu ŭ siomy. Zatym pierajšoŭ na indyvidualnaje navučańnie, i letam 2015 hoda, u 12 hadoŭ, skončyŭ žodzinskuju škołu. Cimur zajmajecca płavańniem z 3,5 hadoŭ. U jaho kala 130 miedaloŭ i 30 kubkaŭ respublikanskich i mižnarodnych spabornictvaŭ. U 2013-m i 2014 hodzie hadach siarod spartsmienaŭ-brasistaŭ va ŭzroście 10 i 11 hadoŭ Cimur Suško byŭ najpieršym u śviecie.
U BDMU Cimur Suško pastupiŭ na płatnaje adździaleńnie zvyš konkursu pa spartyŭnaj kvocie.
— CT jon zdavaŭ jak usie. Rychtavaŭsia taksama jak usie. Bały jaho abmiarkoŭvać ja b nie chacieŭ. Mahu skazać, što zdaŭ testavańnie jon vielmi hodna. My, jašče kali abmiarkoŭvali pastupleńnie ŭ «mied», płanavali, što pojdziem zvyš konkursu na płatnaje, kab nie zajmać ničyjo miesca — chaj tudy pryjdzie inšy abituryjent, a Cimur, jak tytułavany pierśpiektyŭny spartoviec, maje prava na kvotu, voś joju i skarystajemsia, — tłumačyŭ tady TUT.BY baćka Cimura.
Ciapier čytajuć
Sakratar Rady biaśpieki zaklikaŭ biełarusaŭ ustrymacca ad pajezdak u Rasiju8
Kamientary