Saviet respubliki ŭchvaliŭ zakonaprajekt ab ŚMI
Heta zaniało deputatam paru chvilinaŭ. 11 zakonaŭ za dzień — u takim tempie pracavała vierchniaja pałata.
Heta zaniało deputatam paru chvilinaŭ. 11 zakonaŭ za dzień — u takim tempie pracavała vierchniaja pałata.
Saviet respubliki nacyjanalnaha schodu 28 červienia ŭchvaliŭ prajekt zakona ab srodkach masavaj infarmacyi. Za jaho pryniaćcie prahałasavali 48 deputataŭ, adzin sienatar vykazaŭsia suprać.
Zakonaprajekt ab ŚMI pastupiŭ u Pałatu pradstaŭnikoŭ 10 červienia i na praciahu taho ž dnia byŭ uklučany ŭ paradak dnia biahučaj siesii nižniaj pałaty parłamienta. Užo 24 červienia jon byŭ pryniaty parłamientaryjami ŭ druhim čytańni nasupierak zaklikam hramadskaści.
Zakonaprajekt praduhledžvaje šerah novaŭviadzieńniaŭ. Tak, prezidentu pradastaŭlajecca prava biez papiaredniaha ŭzhadnieńnia ź dziaržaŭnymi televizijnymi i radyjoviaščalnymi ŚMI źviartacca da naroda pa asabliva važnych pytańniach hramadska-palityčnaha žyćcia. Uvodzicca zabarona na ažyćciaŭleńnie prafiesijnaj dziejnaści žurnalistaŭ zamiežnych ŚMI na terytoryi Biełarusi biez akredytacyi. Adkaznaść ŚMI ciapier budzie nastupać u vyniku «raspaŭsiudžvańnia niedakładnaj infarmacyi, što moža nanieści škodu dziaržaŭnym abo hramadskim intaresam».
Jak paviedamlaŭ BiełaPAN, 27 červienia pradstaŭnik ABSIE pa pytańniach svabody ŚMI Mikłaš Charašci zaklikaŭ saviet respubliki nie prymać zakonaprajekt, jaki moža jašče bolš abmiežavać svabodu srodkaŭ masavaj infarmacyi ŭ krainie.
Saviet respubliki za siońnia ŭchvaliŭ taksama zakony ab praviłach biełaruskaj arfahrafii i punktuacyi, ab orhanach finansavych rasśledavańniaŭ Kamiteta dziaržaŭnaha kantrolu, ab uniasieńni źmianieńniaŭ i dapaŭnieńniaŭ u niekatoryja zakony pa pytańniach rekłamy, ab rehistry nasielnictva, ab Saviecie ministraŭ, ab mielijaracyi ziamiel, ab vykarystańni atamnaj enierhii, prajekt Kodeksa ab ziamli, prajekt Biudžetnaha kodeksa, biełaruska-kubinskaje mižuradavaje pahadnieńnie ab pastaŭcy na Kubu aŭtobusaŭ MAZ i vydzialeńni kredytu dla hetych metaŭ.
Vidna, što hetyja deputaty dobra byli navučanyja ruki padnimać.
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ94
Kamientary