«Čykaha Kabz» vyjhraŭ finał «Suśvietnaj sieryi» pa biejsbole. U hetym spabornictvie biaruć udzieł dźvie najlepšyja kamandy z Amierykanskaj i Nacyjanalnaj lih biejsboła. Heta samy prestyžny tytuł u biejsbole.
U finalnaj sieryi čykahcy zmahli pieramahčy «Kliŭlend Indyjanz» ź likam 4:3. Takim čynam, «Kabz» upieršyniu stali pieramožcami ad 1908 hoda i źniali samaje strašnaje praklaćcie ŭ śviecie sporta.
Historyja hetaha praklaćcia pačałasia ŭ dalokim 1945 hodzie. «Čykaha Kabz» hulała ŭ «Suśvietnaj sieryi» z «Detrojt Tajhiers». Na čaćviorty matč sieryi pryjšoŭ hrečaski emihrant Bili Sijanis, jaki vałodaŭ nievialikaj taviernaj blizu stadyjona. Z saboj Bili ŭziaŭ talismana svajho bara — kazła Miorfi. Zaŭziatar uziaŭ na hulniu dva kvitki — na siabie i svajho hadavanca.
Adnak raśpieščanym hledačam pačało duža nie padabacca, što ad kazła na trybunach kiepska pachła. Jany vyhnali Bili Sijanisa i Miorfi sa stadyjona. Raźjušany hrek u dušach vykryknuŭ, što «Čykaha» bolej nie atrymaje nivodnaj pieramohi.
Jość navat takaja bajka, što Bili Sijanis dasłaŭ uładalniku kłuba telehramu z nastupnym tekstam: «Vy bolej nikoli nie vyjhrajecie Suśvietnuju sieryju, bo abrazili majho kazła».
Kažuć, što pierad samaj śmierciu Bili Sijanis prabačyŭ «Kabz» toj vypadak. Zdavałasia, što praklaćcie pavinna być źniataje. Ale dzie tam!
U 1970-yja naščadki Bili Sijanisa pryviali na trybuny naščadka taho samaha kazła Miorfi. Kazu pryvieźli na limuzinie, razasłali pierad joj čyrvonuju darožku, ale ničoha nie dapamahała. Navat dapamoha hrečaskaha śviatara, jaki aśviaciŭ stadyjon.
Z 1945 hoda «Čykaha Kebz» navat nivodnaha razu nie vychodziŭ u finalnuju sieryju. Praz 71 hod praklaćcie narešcie źniataje.
Jakija jašče isnujuć u praklaćci ŭ suśvietnym sporcie?
Praklaćcie Bieły Hutmana
Trienier partuhalskaj «Bienfiki» Bieła Hutman za piać hadoŭ u kłubie vyjhraŭ čatyry tytuły. Paśla jon paprasiŭ u kiraŭnictva prybaŭki da zarobku, ale jaho zamiest hetaha vyhnali z kłuba. Hutman skazaŭ, što «Bienfika» nie vyjhraje bolš ničoha značnaha. Paśla hetaha kamanda vosiem razoŭ hulała u finałach jeŭrakubkaŭ, ale zaŭsiody prajhravała. Słavuty Ejsebia navat prychodziŭ na mahiłu Hutmana, kab paprasić prabačeńnia, ale ŭsio jašče marna.
Praklaćcie cyhanoŭ
Kali ŭ Derbi budavali novy stadyjon dla futbolnaj kamandy, to sahnali z hetaha miesca tabar cyhanoŭ. Kačeŭniki ŭ svaju čarhu praklali kamandu, što jana sto hadoŭ nie zavajuje nivodnaha tytuła. U 1946-m hodzie «Derbi» vyjšaŭ u finał Kubka suprać «Čarltana». Kiraŭnictva kamandy sustrakałasia z cyhanskimi šamanami, kab źniać praklaćcie, ale nie dapamahło — 1:4.
Ciapier čytajuć
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca11
Kamientary