Nacyjanalny histaryčny muziej Respubliki Biełaruś prapanuje «naviedać» abjekty, jakija nie zachavalisia, paviedamili ŭ muziei.
Mahčymaść zazirnuć u nieisnujučuju realnaść źjaviłasia dziakujučy sučasnym 3D-technałohijam. Nie vychodziačy z muzieja, hości mohuć naviedać histaryčnyja abjekty, jakija nie zachavalisia da našych dzion, ubačyć ich u pieršapačatkovym stanie i navat zrabić pa ich nievialikaje padarožža.
Tak, naviedvalniki mohuć apynucca ŭ Kreŭskim zamku, jaki znachodzicca ŭ nievialikim haradku Kreva za 100 km ad Minska. Zamak datujecca XIV stahodździem. Jak śviedčyć historyja, z hetym pomnikam źviazany dramatyčnyja losy vydatnych ludziej biełaruskaj historyi — Alhierda, Jahajły, Kiejstuta, Vitaŭta. Razam z tym jon u pieršuju čarhu viadomy jak miesca, dzie ŭ 1385 hodzie była zaklučana unija pamiž Litvoj i Polščaj: vialiki kniaź Jahajła ŭziaŭ šlub z polskaj karalevaj Jadvihaj, kab stać karalom polskim. Šmatlikija vojny amal poŭnaściu źniščyli zamak, jaki byŭ uzoram abarončaj architektury XIV stahodździa.
Z vykarystańniem śpiecyjalnaha akulara vobrazy, stvoranyja minskim entuzijastam Achremam Biełabrovikam, dajuć mahčymaść «apynucca» ŭ Kreŭskim zamku, prajści pa im, ahledzieć panaramu miascovaści.
Ciapier pačata rabota ŭ 3D-hraficy nad zamkam Sapiehaŭ u Halšanach. Płanuje Achrem Biełabrovik taksama stvaryć vobraz zamka ŭ Miadziele.
Kamientary